Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

‘Ministri kampion’ humbet në fund

Politiko 7 Shkurt 2022, 17:31
‘Ministri kampion’ humbet në fund

Alfred Lela

Saimir Tahiri ka bindur Edi Ramën, ka takuar Barack Obamën (por edhe ‘Durin nga Fushë-Kruja’), ka arrestuar Emiljano Shullazin dhe, me këtë të fundit mund të ndajë orët e ajrimit në një prej burgjeve të Shqipërisë.

Në fund fare, as atij nuk i është ndarë mallkimi i ministrave të Brendshëm shqiptarë, që kanë qeverisur shkurt e vuajtur gjatë. Që nga Koçi Xoxe, dhe me radhë te më i fundit, ministrat e Brendshëm të Shqipërisë kanë ngrënë kokat e njëri-tjetrit ose ua kanë ngrënë kokën.

Për këtë flitet së fundmi edhe në Tiranë. Tahiri, duke vepruar pa mend e la kokën e vet të binte, apo dikujt i duhej kryet e Saimirit për ta mbajtur të ngulur në hurin ngadhnjimtar të efikasitetit të drejtësisë së re?

Duket se të dyja nga pak.

Çunaku që e nisi me pantallona të shkurtra në shtigjet politike të "Fondacionit Qemal Stafa", u bë shpejt një nga më të rëndësishmit e PS. Edi Rama e futi në qeveri në 2013 dhe e quajti ‘ministri kampion’ një vit më vonë. Kjo i dha piedestalin, por i mori kokën.

Në një lëvizje prej sanguini, ministri i ri u fut në Lazarat, një fshat të kultivimit të drogës që i rezistoi për dy dekada policisë dhe politikës. E mori territorin famëkeq, duke flijuar një polic special, por çka pasoi u bë edhe drama ku ai vetë do të flijohej politikisht. Njolla e gjelbër e kanabisit lazaratas u përhap në të gjithë Shqipërinë. Të gjithë e shihnin, por kthenin kokën. Fut këtu edhe ambasadorët e huaj. Ministri i ri nuk e lexoi si duhet konjukturën. I dehur me lavdi, ai la gjurmë më të mëdha se pushteti i tij. Nëpër këto gjurmë vunë këmbët a-t-qivja-udhët-e- tua Habilajt e famshëm, kushërinjtë të tij, apo Audi i zi, imitim i The Transporter.  

Tani ai është një ish-ministër që, si shumë të tjerë para tij, përfundoi në katakombe. “Partia ime më dënon”, duket se është slogani që shoqëron pretencën prej 3.4 vitesh burg të Saimir Tahirit.

Një zë nga lart, që nuk është i Zotit, duket sikur ia kthen “po, po, partia jote të dënon”.

Të fundit