Flash News

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

OPINEWS

Vendimet e kryeministrit Berisha pas 11 majit

Politiko 17 Janar 2025, 19:19

Nga Basir Çollaku

Deputetë apo kandidatë, lidership e funksionarë partiakë, duhet ta thonë. Nuk ka përse të votohet brenda opozitës pas fitores për të përcaktuar Kryeministrin. Rezultati është qartësisht i ditur. Berisha është shumica e votave. Kjo është frika e mazhorancës. Kjo është edhe vranësi për disa valltarë në PD. Bashkimi i demokratëve, përveçse emergjencë kombëtare është edhe një akt politik në dy rrafshe. Bashkim në anëtarësi dhe në kryesi, atyre me mandat politik, në çdo forum. Kjo është e brishtë, pasi disa oborrtarë janë më së shumti llogaritarë. Ka aty tek-tuk fluturakë duke menduar se, Berisha mund të mos jetë kandidat për kryeministër, duke shitur dokrra ndërkombëtare. Ndonëse ëndrrat janë falas.

Të gjithë kërkuesit në hije, duan të marrin karrige me votat e Berishës, pasi vetë nuk marrin asgjë përballë apo kundër tij.

Non grata është dosje e Edi Ramës e dërguar me postën “Charles McGonigal”. Drejtësia amerikane e konfirmoi këtë.

Është një histori, një fashikull i ojf-ve nga Tirana me rrogëtarë të Sorosit.

Do shikoni edhe ambasadorët e çdo vendi, do të vijnë aty. Janë aq të kujdesshëm sot, sa ç’ishin të pakujdesshëm dje.

Pa logo, pa zyrë, pa financime, Berisha mori rreth 600 mijë vota. Kjo, kur në krah nuk kishte edhe fraksione, përfshirë pjesë të konsiderueshme të grupit parlamentar, që sot janë bashkërisht. Edhe sot, aq sa bashkim ka ndodhur, janë nga garancitë e tij të besueshmërisë. Ndonëse pragmatistët kanë paqartësi idealesh. E, siç thotë Platoni, “Opinioni është diçka e ndërmjetme, midis dijes dhe injorancës”, Berisha si lideri i ipozitës, kryetari i PD natyrisht është edhe kandidati dhe kryeministri i fitores së zgjedhjeve. Deputetë të ndarë dje e bashkuar sot, nuk kanë përse mendojnë me zë të ulët.

Drejtuesi është kandidati, sepse asnjë kandidat tjetër nuk bën shumicë brenda opozitës, megjithë iluzionet e disa agjendave të vaksinuara keq brenda kampit opozitar. Aleatë apo të tjerë jashtë saj, marrëveshjet nuk i konsiderojnë me emra të tjerë. Akuzat, denoncime të rënda për grupe kriminale me lidhje qeveritare, gjithnjë mbërrijnë te Berisha për tu denoncuar. Kjo është frika e mazhorancës. Diaspora e vjetër dhe e re, kanë Berishën opozitarin që e kanë votuar dhe besuar. Duke qenë politikani me ndikim mbarëshqiptar, përtej Shqipërisë.

Rama do të mundet nga PD dhe opozita. Kjo humbje, njëherësh e kthen Ramën të pandehur përballë drejtësisë. Drejtësisë në të cilën duhen korrigjuar shumë paudhësi sorosiane. Shumë prokurorëve e gjyqtarëve, lideri opozitës duhet t’u premtojë kthim të vendimeve politike që i kanë larguar nga detyra. Të ndalojë investimet strategjike me burime financimi nga Mafia dhe trafiqet e drogës.

Të kthejë arsim e shëndetësi në shërbime, duke ndalur plaçkitjet. Të kthejë organizatën e policisë në duart e oficerëve të përkushtuar e jo ushtarëve të bandave. Të ribëjë kushtetutën. Të rikthejë ekonominë. Të rikthejë shqiptarët. Të shpallë non grata “Sorosin” dhe aktivitetet e tij antishqiptare. Kryeministri Berisha pas 11 majit, duhet të marrë vendime të forta.