Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 16 Shtator 2020, 06:42

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Studiuesi Vladimir Kola ka publikuar një artikull shkencor të ministres së re të Arsimit, Evis Kushi dhe pretendon se 70 % e artikullit është plagjiaturë.

■ Dështimet e Besa Shahinit në krye të Ministrisë së Arsimit. Akuzat dhe protestat që e shoqëruan gjatë karrierës politike në Tiranë.

■ Ministrja e Ekonomisë, Anila Denaj dhe deputeti Fidel Ylli e kanë cilësuar një shantazh për qeverinë kërkesat e "Ligës Profesioniste". Ata u shprehën të hapur për dialog, pasi sipas tyre zgjidhja nuk vjen nga studiot televizive.

■ Ministria e Drejtësisë ka prezantuar ndryshimet Ligjore në Kodin e Familjes dhe Ligjit për Birësimet. Për herë të parë në vendin tonë do të lejohet birësimi i një fëmijë për bashkëjetuesit, por dhe për personat e vetëm.

■ Ambasadorët e BE-së, Britanisë dhe zv/ambasadores amerikane, Soreca, Norman dhe Leyla Moses Ones kanë takuar në selinë blu kryetarin e PD-së Lulzim Basha. Temë e diskutimit ka qenë qëndrimi i opozitës në mbledhjen e Këshillit Politik për formulën e koalicioneve dhe mënyrën e hapjes së listave.

E lidhur: Pak pas takimit me trojkën e ambasadorëve, opozita kërkon mbledhje të Këshillit Politik. Gjiknuri refuzon opozitën për thirrjen e Këshillit Politik: Kërkoni të shfrytëzoni ekspertizë të huaj për qartësimin e pozicioneve tuaja.

■ Atentati te ‘Vasil Shanto’/ Saga e vrasjeve mafioze mes fiseve Reçi dhe Gjini, që nga ish-kreu i OSHEE te ish-drejtori i televizionit lokal

E lidhur: Atentati/ Klodiana Lala zbardh detajet: Pak para shpërthimit, Prend Gjini parkoi makinën me eksploziv te një spital dhe universitet privat në Tiranë.

Drejtori i Policisë së Tiranës, Rebani Jaupaj, pas shpërthimit në “Vasil Shanto” ka konfirmuar se ishte një tentativë për të ekzekutuar Preng Gjinin,i vëllai i Armando Gjinit, i njohur ndryshe si ushtari i Met Kananit.

■ Bathore/ Krim në familje, kunati vret me armë zjarri kunatën

■ Mediat greke shkruajnë se mes Micotaqis dhe Rama do të diskutohen të gjitha çështjet e mbetura pezull dhe pritet të hidhen themelet edhe për marrëveshjen e detit. Sipas "euro2day.gr ", marrëveshja me Shqipërinë pritet të jetë e ngjashme me atë të Egjiptit për kufirin detar, por me kushte të tjera.

■ GJKKO ka dënuar me 21 vite burg biznesmenin Arbër Çekaj, i akuzuar për trafikimin e 613 kg kokainë të ardhura nga Kolumbia.