Kamera e Euronews Albania është ndalur pak kilometra nga qendra e Durrësit, në vendgrumbullimin e mbetjeve të Porto-Romanos.
Ashtu siç shihet nga pamjet e siguruara nga Euronews gjendja e vendgrumbullimit është tepër shqetësuese.
Raporti i @euinalbania për Shqipërinë për vitin 2019 zbuloi se ekzistojnë të paktën 199 vendgrumbullime të pakontrolluara mbetjesh.
Vitin e kaluar kryeministri Edi Rama vizitoi vendgrumbullimin e mbetjeve urbane në Porto-Romano ku premtoi mbylljen dhe kthimin e tij në një park të gjelbëruar në vjeshtën e këtij viti. Por situata duket në gjendje akoma më të keqe. Mbetjet janë zgjeruar, madje siç shihen edhe në materialin e Euronews Albania derrat kanë zaptuar territorin e mbetjeve.
Financuar Nga Bashkimi Europian
