Flash News

Integriteti i BE-së në Shitje: Edicioni i Tiranës

Arrestohen dy persona në Vlorë, kapen me lëndë narkotike të ndarë në doza gati për shitje

Gjyqi për vrasjen e Martinit, Babai i Luis Meçes përplaset me prokuroren: Po flini gjumë me dosjen

Aksidenti në Astir/ Makina merr zvarrë një person te vijat e bardha

Celibashi: Platforma e KQZ ra pre e disa sulmeve kibernetike të organizuara gjatë zgjedhjeve

KRYESORE

Pse sistemi gjyqësor në Shqipëri është kaq i korruptuar? Flet gjyqtari amerikan që do vijë në Tiranë

Politiko 22 Prill 2018, 10:09

Pse sistemi gjyqësor në Shqipëri është kaq i

Stephen Czuleger, anëtar i Gjykatës së Lartë të Los Anxhelosit, i cili do të japë mësim në Shqipëri muajin e ardhshëm ka folur sa i takon sistemit ët drejtësisë në Shqipëri.

Në një intervistë për Zërin e Amerikës ai është pyetur në lidhje me arsyet se pse sistemi gjyqësor në vendin tonë dhe vendet e tjera të Ballkanit Perëndimor është kaq i korruptuar dhe jo funksional si dhe në lidhje me reformën në drejtësi që po zhvillon Shqipëria.

Pjesë nga intervista

Cilat janë disa nga konceptet bazë që synoni të prezantoni tek studentët shqiptarë të juridikut?

Sigurisht që studentët shqiptarë i dinë shumë nga konceptet bazë, dua të flas sa më shumë që të jetë e mundur për rëndësinë enjë sistemi juridik të pavarur, rëndësinë e sundimit ët ligjit dhe më pas do të zgjerohem për të drejtën penale, civile, në çështje të tjera me të cilat ata do të përballen në jetë kur të bëhen juristë apo gjyqtarë,

Cilat janë arsyet që sistemi gjyqësor në Shqipëri dhe në vendet e tjera të Ballkanit Perëndimor është kaq i korruptuar dhe jo funksional.

Asnjë sistem nuk është i përsosur, kur kam qenë herë të tjera në Shqipëri kemi folur shumë për korrupsionin dhe u ndjeva disi në siklet ët flisja për këtë çështje, e thashë hapur nuk jam këtu për të ofenduar vendin tuaj por e di se ka probleme me korrupsionin. Studentët ishin shumë të gatshëm të flisnin për korrupsionin. Asnjë sistem nuk është pa korrupsion, ai ekzistonte dhe në sistemin tonë të drejtësisë në SHBA dekada më parë por tani nuk është më. Sistemi në Shqipëri është i ri. Ai erdhi pas rrëzimit të komunizmit por është një problem në rritje dhe që të gjithë shqiptarët duan ta zgjidhin, qeveria gjithashtu. Është një proces që kërkon kohë, njerëzit duhet të kenë besim në sistemin e tyre të drejtësisë dhe korrupsioni sigurisht që e pengon këtë.

Disa nga gjykatësit dhe prokurorët që do të takoni mund të jetë disa nga zyrtarët më të korruptuar në Shqipëri, çfarë do tu thoni atyre.

Jam i gatshëm të tregohem i hapur. Herën e fundit që isha në Shqipëri pata një takim me një grup të madh gjyqtarësh dhe vura re se më të vjetrit prej tyre ishin më pak të gatshëm për ndryshim sesa të rinjtë. Në biseda me ambasadën amerikane mora të njëjtat shqetësime për korrupsionin në Shqipëri dhe ishin disa pesimistë se gjendja do të ndryshonte. Unë jam shumë më pozitiv për Shqipërinë, pasi bisedova me shumë të rinj, studentë të drejtësisë, jurist të rinj, gjyqtarë të rinj dhe mendoj se ata e kuptojnë rëndësinë e një sistemi juridik të pa korruptuar. E para gjë që duhet të pranosh është se korrupsioni është problem. Nëse nuk e pranon se ekziston problemi i korrupsionit atëherë nuk do ta zgjidhësh dot. Mendoj se Shqipëria e pranon se ka një problem, kur e pranon këtë zgjidhja është thjesht një proces. Pra si do ta zgjidhësh dhe sa kohë do ti duhet. Jam shumë pozitiv për sistemin juridik në përgjithësi dhe jam shumë pozitiv për shqiptarët, pasi mendoj se ata duan ndryshim dhe këtë do ta arrijnë.

Ka një reformë gjyqësore që po ndodh në Shqipëri që ka filluar me atë që quhet veting i gjyqtarëve dhe prokurorëve. A jeni njohur me këtë reformë dhe a mendoni se shqiptarët mund të shpresojnë se kjo reformë do ët ketë sukses?

Po unë mundohem të ndjek zhvillimet në Shqipëri sa kam mundësi nga Los Anxhelosit dhe jam i impresionuar. Kur isha atje herën e fundit, tre vjet e gjysmë më parë, diskutimet për reformën sapo kishin nisur dhe tani shoh që ajo ka filluar. Lexoj lajme për gjyqtarë që nuk pranojnë të kalojnë përmes vetingut pasi nuk duan të deklarojnë financat e tyre. Shoh gjyqtarë që janë të shqetësuar. Kjo është diçka shumë pozitive sepse inkurajon gjyqtarët e mirë, inkurajon njerëzit që duna të zbatojnë ligjin dhe të bëjnë atë që duhet duke mos e patur barrën e kolegëve që nuk veprojnë në të njëjtën mënyrë. Kur ke një gjyqtar të korruptuar ai i bën të gjithë të duken keq, kur ke dikë që merr ryshfete apo që merr një vendim politik, kjo i dëmton të gjithë. Pra jam i inkurajuar na ky proces dhe shpresoj që ai të vazhdojë. Shpresoj të mësoj më shumë rreth tij kur të shkoj në Shqipëri.

Intervista e plotë