Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Rajoni

Amerika sanksionon ish-zv kryeministrin e Maqedonisë së Veriut

Politiko 5 Dhjetor 2023, 15:51

Amerika sanksionon ish-zv kryeministrin e Maqedonisë së Veriut

Shtetet e Bashkuara kanë futur në listën e zezë ish-zëvendëskryeministrin e Maqedonisë së Veriut, Koço Angjushev, duke ia ndaluar hyrjen në vend, për shkak të përfshirjes së tij në korrupsion të madh, njoftoi të martën Departamenti amerikan i Shtetit (DASH).

Në një komunikatë për media, DASH-i tha se sa ishte zëvendëskryeministër, Angjushevi e shkeli pozitën zyrtare për përfitim të interesave të veta private e biznesore “duke e minuar në këtë mënyrë besimin e publikut të Maqedonisë së Veriut në institucionet e tyre qeveritare dhe proceset publike”.

Angjushev ishte zëvendëskryeministër nga viti 2017 deri në vitin 2020, në qeverinë e udhëhequr nga Zoran Zaev.

 “Veprimi i sotëm dëshmon se Shtetet e Bashkuara qëndrojnë përkrah atyre njerëzve në Maqedoninë e Veriut të cilët kërkojnë llogaridhënie për zyrtarët e korruptuar publikë”, tha DASH-i.

Përveç tij, Departamenti njoftoi se ua ka ndaluar hyrjen në Shtetet e Bashkuara edhe bashkëshortes së Angjushevit, Elizabetës, si dhe fëmijëve të tij, Angel dhe Ognen.

Ky vendim, thuhet në njoftim, rithekson përkushtimi e SHBA-së për ta luftuar korrupsionin, i cili e dëmton interesin publik, e pengon prosperitetin ekonomik të vendit, dhe zvogëlon mundësitë e qeverive të përgjigjen në mënyrë efektive ndaj nevojave të qytetarëve të vet./rel

Të fundit