Ka shumë gjëra që ndodhin në epokën Donald Trump të politikës amerikane që të befasojnë. Lajmi i fundit për një rreth (tournament) golfi në resortin e presidentit në Florida, ku si shoqëruese të lojtarëve të golfit (caddie) do të jenë vajzat e një strip-klubi në Florida nuk është një prej tyre.
Sipas The Washington Post, “resorti i golfit të Presidentit Trump në Doral, Florida, ka planifikuar të mbajë një turne të golfit të shtunën organizuar nga një strip-klub në Miami, që do t’u lejojë lojtarëve të paguajnë për një striptiste që do t’u shërbejë si caddie (shoqërusei i lojtarit të golfit që mban çantën me pajisje).
Drejtori i marketingut të strip-klubit tha se nuk zgjodhi fushën e golfit të Trump për të dërguar një mesazh politik, por për shkak se ishte një “mjedis i përsosur” për të mbajtur një aktivitet të tillë.
“Shadow All Star Tournament” organizohet nga Shadow Cabaret, një strip-klub në Hialeah, Fla. Emanuele Mancuso, drejtori i marketingut i Shadow Cabaret, tha në një intervistë telefonike se kjo ishte hera e parë që klubi kishte mbajtur një turne në resortin e Trump.
Emri i Trump dhe stema e familjes shfaqen dukshëm në materialet reklamuese të strip-klubit , të cilat u ofrojnë lojtarëve “vajzën shoqëruese, sipas zgjedhjes”.
Financuar Nga Bashkimi Europian
