Gjykata e Durrësit ka lënë në burg dy vëllezërit Ekonomi, të cilët akuzohen se i kanë shkaktuar vdekjen shtetasit Agim Arapi.
Gjykata dha masën “arrest në burg” për Kujtim dhe Kostandin Ekonomi, të cilët goditën me grushta 60 vjeçarin. Arapi ndërroi jetë si pasojë e dhunës, brenda dyqanit të tij në Durrës.
Shkak i sherrit u bënë 130 mijë lekë të vjetra që autorët ia kishin borxh viktimës. Avokatët e dy të akuzuarve kanë kërkuar lirimin e tyre, me argumentimin se sherri është provokuar nga gruaja e viktimës.
Gruaja e 60 vjeçarit ka akuzuar për ngjarjen edhe shtetasin Jurgen Kurti, i cili deri më tani nuk është gjetur fajtor nga policia.
Discussion about this post