Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Shoqata e gazetarëve europian: Gjykatat gjermane mbështesin mediat. Çfarë na premtoi Rama

Politiko 27 Qershor 2019, 19:24

Shoqata e gazetarëve europian: Gjykatat gjermane mbështesin mediat.

Padia e kryeministrit Edi Rama ndaj gazetarit gjerman Peter Tiede vijon të ngjallë reagime negative nga organizata të ndryshme europiane. Attila Mong që përfaqëson Komitetin për Mbrojtjen e Gazetarëve, një organizatë jo-fitimprurëse e pavarur me seli në Nju Jork dhe me korrespondentë anembanë botës, thotë se para pak kohësh, Rama i garantoi se nuk do të ndiqte penalisht gazetarë.

“Ne ende nuk e dimë saktësisht se mbi çfarë baze ai po e ndjek ligjërisht gazetarin gjerman. Ajo që dimë është se ai ka marrë një avokat dhe ka thënë se do të ngrejë akuza ose një ankesë kundër gazetarit të Bild-it. Mund të jetë një çështje civile ose një çështje penale, ende nuk i dimë hollësitë. Por si rregull, ne mendojmë se gazetarët duhet të inkurajohen për të raportuar dhe zbuluar korrupsionin e mundshëm dhe pikërisht këtë bëri edhe gazetari i Bild-it.

Kryeministri Rama, kur e takuam gjatë vizitës sonë, e siguroi delegacionin se, si kryeministër, ai nuk do të ndiqte penalisht raste të gazetarëve brenda dhe jashtë Shqipërisë, por do të ngrinte akuza për shpifje nëse do të ishin të nevojshme. Por disa gazetarë dhe ekspertë të lirisë së shtypit na folën për një numër në rritje rastesh gjyqësore për shpifje kundër gazetarëve në Shqipëri,” tha zoti Mong”, sqaron ajo për ‘Zërin e Amerikës’.

Mong sqaron më tej se zakonisht gjykatat gjermane japin vendime në favor të lirisë së shprehjes, duke nënkuptuar se ka gjasa që kryeministri ta humb këtë betejë.

“Gjermania, zakonisht ka një standard mjaft të lartë sa i përket lirive të shtypit. Përgjithësisht, gjykatat gjermane japin vendime në favor të lirisë së shprehjes. Natyrisht ne nuk e dimë saktësisht se mbi ç’bazë po e padit ose do ta padisë kryeministri i Shqipërisë gazetarin gjerman. Por nëse i referohemi një rasti mjaft të ngjashëm, ish-zëvendëskancelari austriak njoftoi kohët e fundit se ai do të ngrinte padi kriminale kundër dy gazetave gjermane pas publikimit prej tyre të një videoje që çoi në dorëheqjen e tij. Në atë rast Komiteti për Mbrojtjen e Gazetarëve u bëri thirrje prokurorëve gjermanë të mos e ndjekin çështjen, dhe jemi në pritje të përgjigjes. Prandaj ne presim një trajtim shumë të ngjashëm edhe të këtij rasti nga autoritetet gjermane”, përfundoi ajo.