KRYESORE

Si po dizenjohen shkollat me konceptin e ri për t`ju përshtatur epokës së koronavirusit

Si po dizenjohen shkollat me konceptin e ri për t`ju përshtatur

Ndërkohë që e gjithë bota po përshtatet me pandeminë, edhe shkollat do të duhet të bëjnë të njëjtën gjë.

Një koncept i ri i shkollave të qëndrueshme, modulare ndërthur hapësira të jashtme dhe të brendshme dhe adreson shqetësimet shëndetësore që burojnë nga COVID-19.

Projektuesi Valentino Gareri ka dalë me një koncept modular të shkollave që paraqet dy struktura në formë unaze, duke ndërthurur hapësira të jashtme dhe të brendshme.

Shkolla, e quajtur “Tree House", adreson shqetësimet shëndetësore që burojnë nga COVID-19.

Klasat do të jenë të ajrosura mirë dhe distancimi social do të jetë më i lehtë për t’u arritur për shkak të hapësirave shtesë të përfshira. Dhomat gjithashtu mund të ripërdoren për funksione të ndryshme, përfshirë qendrat e përkohshme mjekësore ose njësitë rezidenciale afatshkurtra.

“Shkolla e së ardhmes duhet të jetë e qëndrueshme dhe e aftë për të mbështetur kërkesat e reja pas COVID. Ajo duhet të jetë hapësira e jashtme gjithëpërfshirëse dhe e hapur ndaj natyrës, e bërë nga materiale natyrore dhe teknika ndërtimi me kosto të ulët, si dizajn modular”, -tha Gareri.

Përveç klasave, modeli gjithashtu përmban një qendër komunitare, shesh urban, kafene dhe bibliotekë.

Risi si kjo synojnë ta bëjnë kthimin në shkollë të sigurt për studentët në mes të një pandemie globale të vazhdueshme./Class

 

Ditari politik

Të fundit