Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

KRYESORE

“Ti kryeministër, unë president”; lufta për heqjen e koalicioneve dhe listat e hapura nxjerrin në dritë "pazaret" mes palëve politike

Politiko 10 Korrik 2020, 19:43

“Ti kryeministër, unë president”; lufta për heqjen e

Edi Rama ka vendosur të mos fshihet më pas “pazareve” politike me opozitën parlamentare duke kthyer kartat e para në lojën e tij për fitoren e një mandati të tretë qeverisës.

Një gjë e tillë u vu re kërkesën e tij për lista të hapura dhe jo koalicione parazgjedhore të bërë gjatë ditës së sotme, kërkesë kjo e cila nëse arrihet të realizohet mund të lërë në “qiell të hapur” edhe një 4 vjeçar tjetër kryedemokratin Basha, pasi qartësisht pengon një koalicion mes PD dhe LSI, duke i vështirësuar këtij të fundit rrugën drejt karriges kryeministrore.

“Ne kemi vendosur të mbështesim si PS një hapje të listave dhe t’i japim mundësi çdo zgjedhësi të shprehë preferencën e tij. Është një vendim, i cili reflekton bindjen tanimë se hapja e listave përkon me dëshirën e një mase shumë të madhe të qytetarëve shqiptarë, që shkon përtej një shumice apo pakice qeverisëse”, deklaroi gjatë konferencës së mesditës me gazetarët Rama, duke shkuar kështu ndesh ndaj të gjitha rekomandimeve diplomatike të ndërkombëtarëve të cilët i kanë kërkuar respektimin e marrëveshjes për reformën zgjedhore.

Duke theksuar se është pro ndryshimit të sistemit sepse e duan qytetarët, Rama shprehimisht nënvizoi se një gjë e tillë nuk cenon marrëveshjen e 5 Qershorit, e cila mbetet e pandryshuar. Megjithatë sipas tij, një tjetër arsye pse u pranua ideja e hapjes së listave, është për të respektuar vendimin e opozitës parlamentare të cilët kur u bënë pjesë e diskutimeve të tryezës së Këshillit Politik për Reformën Zgjedhore pikërisht për këtë arsye.

“Hapja e listave përkon me dëshirën e shumicës së shqiptarëve. Ne me opozitën parlamentare kemi pasur një qendrim shumë të qartë, ku kam thënë dhe kemi thënë që si proces do të zhvillohet në dy shkallë.

Asokohe zonja Hajdari dhe të tjerët që mbrojnë bindjen për ndryshimin e sistemit, donin që ta fillonin nga kjo, dhe refuzonin që të hynin në procesin për Reformën Zgjedhore.

Është rasti për të thënë se pikërisht se ne kemi bërë një marrëveshje ku kemi thënë se do të respektojmë dhe çështjet e ngritura prej tyre, kemi krijuar një konsensus të gjerë, ku kemi votuar në Kuvend dhe ligje të rëndësishme që kishin të bënin me integrimin, dhe kërkonin shumicë të cilësuar.Hapja e listave është një standard, formulat do të diskutohen”, tha Rama ndërsa theksoi se kërcënimet e PD-së nuk e mbanin dot peng këtë çështje, pasi e kërkon populli.

“Nuk është këmba ime në një këpucë sot për shkak aritmetik që na çon ne në konkluzionin që duhet të hapim listat, por është bindja jonë, që populli kërkon dicka që duhet t'ia japim atë që kërkon”.

Ndërkaq, i mbetur i zhgënjyer, nën tension dhe i revoltuar me vendimin e Ramës, kryedemokrati Basha ka deklaruar se me këtë, Edi Rama prishi sot në esencë, zhvlerësoi dhe hodhi në erë marrëveshjen për reformën zgjedhore të 5 Qershorit. Në një prononcim për media vetëm pak minuta pas Ramës, Basha “ hapi thesin” duke treguar hallet e këtij të fundit në këtë situatë, ndërsa konstaton se frika e tij buron tek koalicioni opozitar.

Duke e krahasuar kryeministrin me ish-diktatorin Ramiz Alia, Basha shprehet se ai i tmerrohet rotacionit të pushtetit, kjo ishte edhe arsyeja pse në përjudhën mars-prill-maj të këtij viti, Rama i kishte dërguar ndërmjetës ku i propozonte që ti jepte postin e kryeministrit nëse pranonte heqjen e koalicioneve parazgjedhore.

“Edi Rama i do ndryshimet në kushtetutë për ndalimin e koalicioneve parazgjedhore. Për një muaj Edi Rama ka dërguar ndërmjetësit e tij duke thënë “ti kryeministër unë president, vetëm të heqim koalicionet’. Heqim koalicionet, dhe ‘ti kryeministër dhe unë president'”, tha Basha.

Ndërkaq, Basha ka zbutur tonet ndaj deputetëve të opozitës parlamentare, tepër të kritikuar nga ana e tij. Të sharët, të shiturit, injorantët, të paqenët, të pabesë, tradhëtarët, gafaxhinjtë dhe ilegjitimët e opozitës së re, tashmë u vlerësuan nga ish-kryetari i tyre për qëndrimin pro votimit të marrëveshjes së 5 qershorit në Kuvend.

"Asnjë nga personat që zunë vendet e opozitës nuk përfaqëson asnjë parti të koalicionit opozitar, por vlerësoj qëndrimet e tyre të shprehura dje, si një shërbim ndaj interesit publik dhe zbërthim të qartë të çmendurisë së Edi Ramës", tha Basha.

Lexo edhe: https://politiko.al/ti-kryeminister-une-president-basha-zbulon-oferten-e-rames/

Lexo edhe: https://politiko.al/rama-sot-prishi-marreveshjen-e-5-qershorit-basha-i-frikesohet-rotacionit-eshte-me-i-tmerruar-se-ramiz-alia/

Lexo edhe: https://politiko.al/une-kryeminister-rama-president-basha-pyetet-per-pozicionin-e-metes/

Lexo edhe: https://politiko.al/6-deputete-te-opozites-pro-zgjedhores-basha-pershendet-qendrimin-keshille-rames-qetesohu-askush-nuk-eshte-i-perjetshem/

Lexo edhe: https://politiko.al/ti-kryeminister-une-president-basha-e-nxori-zbuluar-rama-behet-sarkastik-merre-me-qetesi-lul-leri-kercenimet/

Lexo edhe: https://politiko.al/cfare-do-te-beje-nese-edi-rama-hap-listat-dhe-ndalon-koalicionet-basha-levizja-e-tij-ka-shqetesuar-edhe-nderkombetaret/

Lexo edhe: https://politiko.al/sot-rane-dorezat-dhe-maskat-basha-tregon-hallin-e-edi-rames-eshte-i-fiksuar-dhe-i-tmerruar/

Lexo edhe: https://politiko.al/doli-pro-listave-te-hapura-cdeklaronte-rama-vetem-tre-jave-me-pare-ne-kuvend-kane-probleme-nuk-sjellin-demokraci/

Lexo edhe: https://politiko.al/hera-e-fundit-qe-bejme-marreveshje-ne-ambasada-rama-te-me-thone-ne-cilen-pike-te-dakordesise-prekim-ne-duke-hapur-listat/

Lexo edhe: https://politiko.al/lista-te-hapura-qe-beheni-mbret-rama-ou-jam-i-gatshem-qe-ta-bej-bashen-pjese-te-fitores/

Lexo edhe: https://politiko.al/a-po-perdorni-opoziten-parlamentare-per-ndalimin-e-koalicioneve-rama-listat-e-hapura-e-bejne-te-pamundur-formulen-aktuale/

Lexo edhe: https://politiko.al/marreveshja-e-5-qershorit-nuk-preket-rama-flet-per-pazarin-me-hajdarin-tregon-cfare-mori-ne-shkembim-per-listat-e-hapura/