Flash News

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Botërori 2026/ SHBA e nis me spektakël, amerikanët dominojnë me katër gola Paraguain

KRYESORE

Vrasësit e Kamzës fajësojnë njëri-tjetrin

Politiko 30 Prill 2018, 15:43
Vrasësit e Kamzës fajësojnë njëri-tjetrin

Vladimir Kurti dhe Ruzhdi Hoda shfaqën pendesë në gjykatë, duke pranuar se janë ata autorë të vrasjes së Agim Bucit dhe plagosjes së bashkëshortes së tij Merita, gjatë tentativës së grabitjes në dyqanin e kësaj familje.

Por dy të rinjtë kanë dhënë versione të ndryshme, se cili nga të dy qëlloi mbi çiftin Buci, në sy të djalit të tyre 6-vjeçar.

Dy miqtë kanë akuzuar njëri-tjetrin si personi që ka qëlluar mbi viktimën.

Vladimir Kurti ka thënë se ka qenë shoku i tij, ai që ka shkrepur armën, ndërsa të kundërtën pretendoi Hoda.

Por sipas hetimeve të para të policisë dhe prokurorisë, Vladimir Kurti është autori i vrasjes pasi ka pasur në dorë armën.

Kjo gjë konfirmohet nga kamerat e sigurisë së dyqanit, ku Vladimir Kurti shihet të hyjë me pistoletë në dorë dhe Ruzhdiu me një thikë.

Hoda gjithashtu e ka ndihmuar për t’u larguar nga vendi i krimit me makinë e tij.

Ka qenë pikërisht makina me targë AA 296 FK, në pronësi Hodës, prova e parë që çoi hetuesit tek autorët e dyshuar. Në pamjet e kamerave të sigurisë të marra në zonë, dy të rinjtë shihen të largohen me këtë makinë.

Pas kësaj, sipas dëshmisë së tyre, ata kanë hedhur armën në lumin Tërkuz.

Disa minuta më vonë, ata kanë shkuar në shtëpitë e tyre, ndërsa blutë i kanë shoqëruar më pas në komisariat.

Grupi hetimor këqyri një sërë provash si kamera sigurie dhe materiale të tjera nga ku u konfirmua se Kurti dhe Hoda janë persona që vranë Agim Bucin.

Kurti dhe Hoda do të qëndrojnë në burg deri në përfundim të hetimeve dhe mbi ta rëndon akuza e grabitjes me pasojë vdekjen./Tv Klan

 

Të fundit