Zëvendëskryeministri në largim i Kosovës,Enver Hoxhaj, deklaroi se edhe 10 vende të tjera mund të tërheqin njohjen për shtetin më të ri të Evropës.
Nënkryetari i Partisë Demokratike thotë se një shtet i rajonit iu ka thënë se Serbia është duke përgatitur fushatë për tërheqjen e njohjeve, dhe sipas tij janë përmendur edhe mjetet të cilat do të përdoren për tërheqje të njohjeve.
“Janë 13 vende të cilat i kanë tërhequr njohjet. Ne duhet ta kuptojmë njëherë karakterin e shtetësisë tonë. Nëse ne do të ishim anëtarë i OKB-së, njohja do të ishte universale. Në këtë situatë kur një vend e njeh Kosovën duhet të vendosen marrëdhëniet diplomatike. Ka disa të vërteta që janë të lëndueshme”, tha ai në KTV.
Hoxhaj shtoi se kanë informata që edhe 10 vende tjera mund ta tërheqin njohjen.
“Unë kam informata të besueshme dhe në raportin diplomatik kjo është serioze. Ne e kemi përdorur dialogun për me marrë njohje.
Zëvendëskryeministri në largim shtoi se duhet të koordinohen me partnerët që të rikthehen njohjet dhe të kërkojnë nga Serbia ta ndalë fushatën për tërheqjen e njohjeve.
Discussion about this post