Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

30 vjet nga vdekja tragjike e regjisorit Kujtim Spahivogli: 3 arsye politike të dënimit të tij

Politiko 7 Korrik 2017, 09:29
30 vjet nga vdekja tragjike e regjisorit Kujtim Spahivogli: 3 arsye politike

Sot është 7 korrik, 30-vjetori i vdekejs së artistit të shquar, aktorit dhe regjisoeit Kujtim Spahivogli. Në ditën e fundit të jetës së tij, më 7 korrik 1987, Kujtimi shkoi në Teatrin Kombëtar për të takuar shokët. Sikur e parandiente lamtumirën e tij.  Kishte filluar ta frekuentonte oborrin e teatrit, ulej me shokët, pinte një kafe me ta dhe bisedonin për hallet e tyre. U kthye në shtëpi i lodhur, i dërrmuar, në mes të vapës. E bija, Ani, që shkonte herë pas here në shtëpinë e tij, hante drekën me të atin, sikurse e kishin lënë edhe atë ditë, e gjeti të shtrirë në mes të dhomës, në çimenton e kuzhinës, me duart e zgjatura nga ilçet.. që nuk i mori dot. I kishte rënë infarkti i tretë që e mori përfundimisht. Nuk kishte pasur asnjeri që t’i jepte ndihmë… Në librezën e kursimit kishte 25 mijë lekë, 10 mijë i përdorën për funeralin e tij dhe të tjerat ia kthyen të bijës.. Varrimi i Kujtimt u bë madhështor.

Dënimi, largimi nga teatri dhe internimi i tij kishte tre arsye poltike:

  1. Kujtimi kishte studjuar në Moskë dhe, tani që ishin prishur marrëdhëniet me BS, të gjithë ish-studentët e BS shikoheshin si “armiq potencialë” të regjimit, si spiunë. Ai manfisfestonte prirje liberale – perëndimore me studentët në degën e dramës, sidomos në përkrahjen e studentëve me biografi të keqe, e për shumë thashetheme të tjera dashakeqe.

  2. Ishte miku e bashkëpunëtori i Fadil Paçramit, “armiku i popullit” që u dënua pas Plenumit IV. Kujtimi kshte vënë në skenë disa pjesë dramatike të Pacramit dhe për këtë duhej të jepte llogari.

  3. Kujtmi ishte anëtar Partie dhe duhej bërë shembull, se, Partia nuk kursente as bijtë e vet, dhe se kjo formë ishte një masë presioni dhe terrori për këdo që nuk i bindej dhe manifestonte qëndrime që shkonin ndesh me vijën e saj.

Kujtim Spahivogli u lind më 30 korrik 1932 në Lushnjë. Studimet e larta për teatër i kryen shkëlqyeshëm në Moskë, në vitin 1956. Në vitin 1973 e larguan nga teatri dhe ILA. Në 7 korrik 1987 mbylli sytë në Tiranë. "Politiko.al"

Të fundit