Flash News
Grupi parlamentar i PD dorëzon në Kuvend propozimin: Pensioni të rritet në 300 euro
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Ajo është 108 vjeçe, i mbijetoi gripit spanjoll dhe sapo mundi Covid-19
Corey Kilgannon/ The New York Times
Muajin e kaluar, të afërmit e Sylvia Goldsholl morën një lajm shqetësues nga azili i pleqve në New Jersey: Ajo ishte infektuar me koronavirus dhe ishte në izolim.
Me një virus që ishte veçanërisht vdekjeprurës për njerëzit e moshuar, prognoza dukej e rëndë për zonjën Goldsholl, e cila mbushi 108 vjeç në dhjetor.
"Po vret njerëz në azilet e pleqve në të gjithë New Jersey-n dhe në vend", tha Nancy Chazen, mbesa e znj. Goldsholl. "Të jem e ndershme, mendova se ky do të ishte fundi - dua të them, ajo është 108 vjeç."
Dy javë më vonë, të afërmit morën një telefonatë tjetër.
"Ata na thane se ajo është shëruar plotësisht", tha zonja Chazen, tezja e së cilës është bërë një nga të mbijetuarit më të vjetër të Covid-19 në botë.
Rasti i znj. Goldsholl është një pikë e rrallë e ndritshme në New Jersey, shtet ku numri i të vdekurve nga virusi - 9,946 deri të enjten - është i dyti vetëm pas New York-ut.
Afërsisht gjysma e vdekjeve në New Jersey - 5,168 deri të enjten - kanë ardhur në azile pleqsh dhe institucione të tjera të kujdesit afatgjatë.
Në mbarë vendin, afërsisht një e treta e 86,607 vdekjeve të koronavirusit kanë qenë pacientë në azile pleqsh ose punonjës të tyre.
Qendrat e kujdesit afatgjatë janë bërë pika të nxehta, të mbushura me një popullsi të cënueshme, duke kërkuar ndërveprime të ngushta midis banorëve dhe kujdestarëve, shumë prej të cilëve janë ankuar se nuk kishin marrë pajisje të mjaftueshme mbrojtëse.
Zonja Goldsholl, e cila jeton në Komunitetin Allendale për të moshuarit në Allendale, N.J., lindi në 29 dhjetor 1911 dhe u rrit në Bronx, më e madhja e katër fëmijëve të prindërve emigrantë rusë.
Si fëmijë ajo jetoi përgjatë pandemisë së gripit spanjoll në 1918 dhe 1919, dhe gjithashtu përmes dy luftërave botërore dhe Depresionit të Madh.
"Ajo është Forrest Gump", tha një nip, Larry Goldsholl.
Zonja Goldsholl i tha televizionit News 12 New Jersey "Unë i mbijetova gjithçkaje, sepse isha e vendosur të mbijetoja".
Larry Goldsholl tha se kur dëgjoi që tezja e tij ishte infektuar "nuk dinim çfarë të mendonim sepse ajo i ka mbijetuar kaq shumë gjërave deri tani".
"Ne menduam, epo, kjo mund të jetë dita", por duke e njohur Sylvia-n, unë duhet ta dija", tha ai. "Ajo është mjaft kurajoze dhe duket se njerëzit që jetojnë kaq gjatë kanë sistem të mirë imunitar".
Michael Brienza, një administrator i qendrës Allendale, tha që znj. Goldsholl nuk u shtrua asnjëherë në spital dhe as u fut në ventilator.
"Ajo ka një mentalitet të të mbijetuarit," tha ai. "Familja e saj e mbështeti atë gjatë gjithë kësaj dhe, siç thotë ajo, dashuria ju ndihmon të sfidoni gjërat".
Një burrë 108-vjeçar në New Mexico i ka mbijetuar gjithashtu virusit.
Në konferencën e përditshme për virusin të enjten, Guvernatori Philip D. Murphy i New Jersey përshëndeti znj. Goldsholl si një model për tu ndjekur - "një jetë e jashtëzakonshme, një shpirt i jashtëzakonshëm dhe një shfaqje e jashtëzakonshme e forcës".
Zonja Goldsholl punonte si librashitëse dhe kurrë nuk u martua apo pati fëmijë, thanë të afërmit e saj. Ajo jetoi në shtëpinë e saj të fëmijërisë deri kur lëvizi në New Jersey 20 vjet më parë dhe më në fund u zhvendos në qendrën Allendale 13 vjet më parë.
Zyrtarët në azil e përshkruajnë si një person kureshtar që i pëlqejnë bisedat dhe që njihet si "Motra e Madhe" për aktivizmin e saj dhe avokatinë e bashkëazilantëve.
Ajo përdor një karrige me rrota dhe ka humbur shikimin dhe dëgjimin në vitet e fundit, thanë të afërmit, por mbetet aktive dhe sociale, pavarësisht nëse luan bingo apo luan gjyqtaren në sallën e ngrënies së qendrës.
"Kurrë nuk do ta gjesh ulur vetëm në dhomën e saj - ajo është gjithmonë me njerëz", tha zonja Chazen, duke shtuar se tezja e saj gjithmonë ka qëndruar afër të tjerëve.
"Ajo ka pasur gjithmonë një reputacion për ngritjen e zërit", tha znj. Chazen. "Nëse ajo mendon se diçka është e padrejtë, ajo do të sigurohet që njerëzit ta dinë këtë."
"Nëse ajo dëshiron t'i dërgojë një letër kryetarit të bashkisë së New York-ut, ajo do t'ia dërgojë atë letër", tha ajo.
"Unë nuk e di sekretin e saj të jetëgjatësisë," tha nipi i saj, "por ajo është shumë luftarake".
Përkthimi: Politiko.al