Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Aleati i Bashës propozim për zgjidhjen e krizës: Duhet një marrëveshje e madhe mes palëve me ndërkombëtarët

Politiko 17 Korrik 2019, 17:39
Aleati i Bashës propozim për zgjidhjen e krizës: Duhet një

Kryetari i partisë Lëvizja për Zhvillim Kombëtar, Dashamir Shehi, nuk e sheh 13 tetorin si të përshtatshëm për zgjedhje të trefishta, ashtu siç ka propozuar Presidenti Meta.

Shehi, gjatë një intervistë në televizionin “Klan” është shprehur se në 13 tetor është me vend të zhvillohen vetëm zgjedhjet lokale.

“Zgjedhje administrative edhe mund të bëhen. Përsa i përket zgjedhjeve politike, zgjedhjet për president që duhet ndryshuar kushtetuta, unë gjykoj se data 13 tetor është e papërshtatshme” u shpreh Shehi.

Duke folur për hyrjen në zgjedhje, aleati i Bashës tha se opozita nuk mund të hyjë në zgjedhje, pasi i bie që të tradhëtojë kauzën e saj.

“Duhen minimalisht 6-7 muaj deri në një vit që të fillojë qeveria, të quhet tranzitore. Ne i kemi premtuar shqiptarëve zgjedhje me një sistem të ri zgjedhor. Me një kushtetutë të re e cila do ti balancojë institucionet. Me një klimë të re politike ku zgjedhje s’do ti bëjnë më banditët e Edi Ramës. I kemi premtuar praktikisht zgjedhje pa Edi Ramën. Deri më sot nuk është se kemi ndonjë avancim përveç se opinionit popullor. Ndryshe i bie që të tradhtojmë këtë ide të madhe që ngritëm”- tha Shehi.

Për zgjidhjen e krizës politike, Shehi është i mendimit se duhet një marrëveshjeje politike mes palëve duke patur ndërkombëtarët si garant.

“Rama, Basha me ndërkombëtarët sigurisht se ato duhet të jenë garant të kësaj pune. Ne dimë fort mirë se e gjitha kjo kalon nëpërmjet një marrëveshje të madhe politike. Po që të bëjmë zgjedhje sa për të larë gojën, unë gjykoj se nuk ka vlerë” -tha ai.

Të fundit