Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Aljazeera edicion special për situatën politike në vend/ "A do ta braktisë Shqipëria demokracinë?"
Aljazeera i ka kushtuar një edicion special situatës politike në Shqipëri pak ditë përpara 30 qershorit.
Partia Socialiste duket e vendosur të shkojë drejt zgjedhjeve, tani që ka edhe një parti tjetër në listë, atë të Unitetit Kombëtar që kryesohet nga Idajet Beqiri.
Përballë kësaj situate gazetarët e Aljazeer-as ngrenë pyetjen, ‘a do ta braktisë Shqipëria demokracinë?’ Pra, a do të futet PS-ja në zgjedhjet vendore pa marrë parasysh as vullnetin e opozitës së bashkuar, as vullnetin e presidentit, dhe as atë të qytetarëve?
Në një lidhje direkte për Aljazeera-n, anëtari i Këshillit Kombëtar të Partisë Demokratike, Ivi Bejtja, tha se opozita kërkon zbatimin e dekretit të presidentit dhe për aq kohë sa Gjykata Kushtetuese është inekzistente, dekreti i Metës mbetet në fuqi.
Sipas Bejtjas, kriza që ka mbërthyer vendin ka vetëm një zgjidhje; dorëheqjen e kryeministrit Rama.
Një mendim krejt tjetër ka ministrja Elisa Spiropali, e cila, e pyetur nga Aljazeera rreth komentit të Bejtjas, tha se kjo është absolutisht e papranueshme dhe se, sipas saj, me 30 qershor Shqipëria do të shkojë në zgjedhje.
E pyetur tre herë nga gazetarët e Aljazeera-s nëse qeveria shqiptare është fajtore për ndonjë nga skandalet, apo aktet korruptive për të cilat ajo akuzohet, Spiropali është përpjekur ta shmangë si pyetje, duke thënë vetëm se “këto akuza nuk janë bërë nga Prokuroria, por janë sulme politike.
Biseda mes Aljazeera, Ivi Bejtja dhe Elisa Spiropali
Aljazeera
Kemi një video-koment nga dikush që shpjegon përse kemi një situatë të tillë sot (në Shqipëri). Ai është Ivi, anëtar i Këshillit kombëtar të Partisë Demokratike.
Ivi Bejtja, anëtar i Këshillit Kombëtar të Partisë Demokratike
Gazeta gjermane BILD, me anë të përgjimeve që publikoi tregoi se zgjedhjet e vitit 2016 dhe 2017 janë manipuluar nga krimi i organizuar dhe mafia. Për mendimin tim, ka vetëm një zgjidhje për krizën: dorëheqja e kryeministrit në mënyrë që të krijojë hapësirë për zgjedhje të ndershme, pa përfshirjen e kriminelëve. Opozita kërkon zbatimin e dekretit të presidentit. Për aq kohë sa Gjykata Kushtetuese është inekzistente, ky dekret mbetet në fuqi.
Aljazeera
Elisa, kjo është një kërkesë të qartë këtu. Ata kërkojnë që kryeministri të japë dorëheqjen. Si e komentoni atë që tha Ivi?
Elisa Spiropali
Kjo ka qenë kërkesa kryesore e opozitës, për të cilën ajo ka zhvilluar protesta të dhunshme dhe tani kanë vendosur të bojkotojnë zgjedhjet. Ne e konsiderojmë këtë absolutisht të papranueshme dhe në 30 qershor do të shkojmë në zgjedhje. Ne nuk jemi të vetmit që e mendojmë kështu, pasi të gjithë partnerët tanë që e kanë vëzhguar situatën situatën politike në Shqipëri, përfshirë Departamentin Amerikan të Shtetit, Ambasadën Amerikane, delegatët e BE-së, gjithashtu KE-ja ka deklaruar së fundmi që parlamenti është legjitim, qeveria është e ligjshme ndaj nuk duhet të ketë bojkot të parlamentit dhe as bojkot të zgjedhjeve. Kjo është diçka absolutisht e papranueshme në demokraci.
Aljazeera
Elisa, opozita ju akuzon për shumë skandale. A ka ndonjë prej tyre për të cilën ju mund të thoni, po ne jemi fajtor për këtë?
Elisa Spiropali
Le të flasim për zgjedhjet e vitit 2017. Nuk e di se si më dëgjoni, por unë nuk ju dëgjoj shumë mirë. Por dëgjova një koment për zgjedhjet e 2017-ës. Sipas OSBE/ODIHR zgjedhet e vitit 2017 janë zgjedhjet më të mira që janë bërë ndonjëherë në Shqipëri...
Aljazeera
Elisa, më falni që po ju ndërpres, pasi kemi të bëjmë me një audiencë ndërkombëtare. Ne po përpiqemi të kuptojmë disa gjëra bazike rreth politikës shqiptare. A ka ndonjë skandal, ndojë akt korruptiv për të cilin ju mund të thoni, po ne jemi përgjegjës për këtë? Nuk po ju kërkoj të më përgjigjeni me një po, ose jo, por të përpiquni të na e shpjegoni në një mënyrë të thjeshtë.
Elisa Spiropali
Më falni, nuk e dëgjova pyetjen.
Aljazeera
Po ju pyesja nëse ka ndonjë skandal, apo akt korrupsioni për të cilin opozita ju akuzon dhe ju mund të thoni, po jemi duke hetuar në lidhje me këtë, apo thoni që jeni tërësisht të pastër ndaj çdo akuze?
Elisa Spiropali
Nëse e kuptova mirë pyetjen tuaj, ajo që ju quani skandale apo akte korruptive, nuk janë akuza të bëra nga prokuroria, por janë sulme dhe retorikë e mbrapshtë politike.
Ndiqeni intervistën e Spiropalit për Aljazeera nga minuta 5:23
Politiko.al
https://www.youtube.com/watch?v=koPJtbRlAXE&feature=youtu.be