Për mamatë dhe të gjithë prindërit ë kanë fëmijë, karantina nuk është aq e lehtë. Fëmijët janë mësuar të jenë shumë aktivë, të luajnë e të argëtohen dhe është pak e vështirë t`i mbash brenda. Kështu po ndodh edhe me aktoren Arjola Demirin, e cila në një lidhje skype me Rudinën ka treguar se karantina po i hap telashe.
Arjola Demiri: Jam me tre fëmijët e mi dhe vëllain tim të izoluar në shtëpi. Fillimisht me pak ankth se si gjithë shqiptarët besoj që kemi atë ankthin e parë, jo i kam simptomat jo si kam sepse është edhe stina e virozave. Me këtë ankth e kemi kaluar shumë mirë, kemi qenë të gjithë të shëndetshëm edhe kemi filluar ta organizojmë ditën brenda në shtëpi, duke nisur që nga mëngjesi, pastaj na është rrotulluar dita na është bërë natë dhe nata na është bërë ditë. Po mundohemi ta kalojmë sa më këndshëm.
Rudina Magjistari: Po me tre fëmijët si po e organizon me ta?
Arjola Demiri: Duhet të pyesni komshien time që vjen 3 herë në ditë në shtëpi.
Rudina Magjistari: Edhe ti çfarë i thua?
Arjola Demiri: I them ke bërë shumë mirë që ke ardhur dhe ajo nga dera thotë do thërras policinë. Është një kërcënim në thonjëza sepse në fakt edhe ngaqë njerëzit janë shumë qetësi, edhe pallati pothuajse është si pallat fantazmë, nuk dëgjohet asnjë njeri këtu. Po mundohen të shkretët të përmbahen, të dalin deri në dritare të marrin ajër, edhe në ballkon.
Financuar Nga Bashkimi Europian
