Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

'Armiq të përbetuar' prej më shumë se 70 vjetësh, tragjedia 'bashkon' Libanin me Izraelin; Jeruzalemi zyrtar: E ndajmë dhimbjen tuaj

Politiko 4 Gusht 2020, 23:59
'Armiq të përbetuar' prej më shumë se 70

Shpërthimi tragjik i pasdites së kësaj të marte, i cili do të shkaktonte 73 viktima (deri tani) dhe rreth 3000 të plagosur, duket se ka shkrirë akullin e krijuar në marrdhëniet diplomatike Izraelito-Libaneze që nga viti 1949.

Tragjedia është bërë shkak që dy vendet, të cilat deri dje e konsideronin njëra-tjetrën armike, të rilidhin kontaktet e mes tyre të ndërprera prej më shumë se 70-vjetësh.

Ka qenë Izraeli ai i cili e ka hedhur hapin e parë, për të ndihmuar në këtë situatë të vështirë ‘armikun e tij të përbetuar’ Libanin, duke i ofruar ndihmë humanitare mjekësore.

"Nën drejtimin e Ministrit të Mbrojtjes, Benny Gantz dhe Ministrit të Punëve të Jashtme, Gabi Ashkenazi, Izraeli iu afrua Libanit përmes kanaleve të mbrojtjes ndërkombëtare dhe diplomatike për t'i ofruar qeverisë libaneze ndihmë humanitare mjekësore", thuhet në një deklaratë.

Nga ana tjetër, përmes një Twitteri, presidenti Reuven Rivlin u shpreh se solidarizohet me familjarët e viktimave në këtë kohë të vështirë.

"Ne ndajmë dhimbjen e popullit libanez dhe sinqerisht arrijmë të ofrojmë ndihmën tonë në këtë kohë të vështirë", tha ai.

Libani është një nga një numër i vogël i vendeve që Izraeli e konsideron si një shtet armik dhe nuk ka pasur marrëdhënie diplomatike që prej një armëpushimi të nënshkruar midis dy vendeve në 1949.

Së fundmi javën e kaluar, kryeministri Benjamin Netanyahu po paralajmëronte se Libani, së bashku me Hezbollahun, kishin "përgjegjësi të plotë" për atë që ushtria izraelite e përshkroi si depërtim nga një celulë Hezbollahe në territorin izraelit.

Të fundit