Avokatja e Popullit flet ‘pa doreza’: Mund të isha martuar me një femër, por nuk i përkas atij komuniteti

Avokatja e Popullit, Erinda Ballanca ka mbajtur një fjalim mjaft interesant gjatë një aktiviteti për mbrojtjen e personave që mbrojnë të drejtat e komunitetit LGBTI.

Ajo ka komentuar një fotomontazh, i cili ka qarkulluar ditët e fundit në rrjetet sociale, dhe u ndal gjatë të fliste për prirjet e saj seksuale, të cilat, siç edhe u shpreh nuk kishin lidhje me ato të këtij komunitetit. Ballanca gjithashtu ka treguar se ishte e pa martuar, por nga ana tjetër nuk do të druhej të martohej me një femër, në rast se i pëlqente.

“Jo më larg se një javë më parë pashë të publikuar nëpër Facebook për herë të parë veten time si nuse. Me një fustan të bardhë, por e martuar me një femër (qesh) me ministren e Arsimit, Lindita Nikolla vetëm për faktin se thashë që të drejtat e komunitetit gay duhet të mbrohen në Shqipëri. Pavarësisht, kjo nuk ka të bëjë me faktin se më martojnë me një femër, në fakt nuk ndjehem keq unë jam një njeri i pa martuar”, sqaroi fillimisht Ballanca.

Nga ana tjetër, ajo shtoi se njerëzit e komunitetit LGBT duhet të bëjmë ç’është e mundur ta kthejmë sa më në modë çështjen e të drejtave të tyre për të ndërgjgjësuar njerëzit që janë paragjykues ndaj tyre.

“Mund të martohem, por jo me një femër se nuk i përkas atij komuniteti, por dua të them që njerëzit e çojnë kaq në të tejskajshëm diskutimin sa vërtetë thonë pse ta bëj unë këtë kur nuk kam pse t’i hyj këtij debati. Prandaj them që është e vështirë për njerëz të cilët, mua nuk më cënon fare ajo foto që është publikuar, por mendojini njerëzit e tjerë që mund të jenë njerëz vulnerabël, se sa shumë tërhiqen për tu përballur me një realitet, që sa të vështirë e kanë për të folur me njerëz që kanë një mendim ndryshe. Prandaj them duhet, sigurisht një qasje tjetër, ne duhet të flasim cdo sekondë jo vetëm për vete, por që ta heqim këtë kategori nga ndikimi, ose për të minimizuar ndikimin e tyre në publik. Puna e parë iu takon personave që janë shembull dhe liderë në komunitet, që nga deputetët, qeveria politikanët për të ulur nivelin e gjuhës së urrejtjes dhe për të mos e anatemuar kundërshtarin vetëm se mendon ndryshe nga ai. Të mundohemi, të bëjmë ç’është e mundur ta kthejmë sa më në modë çështjen e të drejtave të njeriut, pikërisht duke mbrojtur ata persona që promovojnë të drejtat e njeriut bëjmë një gjë shumë të mirë”, ka përfundiar Avokatja e Popullit.