Në një postim në Instagram, Besa Kokëdhima ka njoftuar tërheqjen e saj nga festivali i “Kënga Magjike”. Përmes postimit të saj, ajo sqaronte se e kishte të pamundur të performonte në këto momente tragjedie.
Besa ka konkurruar për herë të parë me një këngë që e ka shkruar vetë dhe e ka kompozuar vetë. Kënga “Histori” është pëlqyer shumë nga publiku dhe fakti që është tërhequr nga disa fansa është pritur mirë sepse sipas tyre kjo tregon vlera të larta njerëzore përveçse si artiste.
Nga ana tjetër ka disa fansa që janë mërzitur që ajo ka hequr dorë nga “kënga Magjike”, njësoj si edhe producenti i këtij festivali, i cili i është lutur Besës të kthehet.
Duke komentuar poshtë postimit të saj, Arditi i ka thënë Besës se ky festival do të jetë për të prekurit nga tërmeti dhe të ardhurat do shkojnë për ta:
“Besa e dashur, të thashë që Kënga Magjike këtë vit do të ketë misionin #kendojpertendertuar dhe të gjithë bashkë do kontribuojmë për ata që kanë nevojë. Kam qënë këto ditë në Thumanë dhe vendosëm që me të ardhurat nga biletat të ndërtojmë një shtëpi nga e para dhe kjo gjë do të transmetohet të dielën në @edielashqiptare. Secili bën atë që ndjen, të gjithë artistët janë bashkë këtë herë për të ndërtuar. Të lutem mos mungo! Të gjithë ndiejmë dhimbje, por #tegjithebashkemundemi Edhe artistët e huaj kanë ardhur për këtë kauzë! Të presim!”
Discussion about this post