Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deklaratat pas ‘fitores’ së 5 qershorit targetojnë Ramën: Ku ndryshojnë gjermanët, amerikanët dhe BE, dhe a do shkohet deri te ‘lista e zezë’

Politiko 23 Korrik 2020, 20:31

Deklaratat pas ‘fitores’ së 5 qershorit targetojnë

Politiko.al

Votimi sot në Kuvend i marrrëveshjes së 5 qershorit, siç pritej, u përshëndet nga përfaqësitë e huaja diplomatike në Shqipëri, të cilat me siguri kanë parë te kalimi i ndryshimeve edhe një ‘fitore’ të vetën. Deklaratat e ambasadave nuk kanë pasur vetëm kortezi diplomatike me lajle-lule të mirësjelljes së zakonshme, por udhëzime dhe ‘trysni’ për sjelljen e palëve në vazhdim, duke qenë se ende vazhdon përplasja për ndryshimet kushtetuese, të cilat qeveria thotë se do t’i kalojë pas një jave.

Përfaqësia e OSBE, zyra e Bashkimit Europian në Tiranë, Komisioni Europian në Bruksel, ambasdat amerikane dhe gjermane, kanë reaguar pa kaluar shumë nga numërimi i votave në Kuvend, që i hapi dritën jeshile ‘5 qershorit’.

Deklaratat ndryshojnë në ton, por jo në thelb. Që të gjitha bëjnë thirrje për ‘gjithëpërfshirje’ dhe përmendin ‘reformat e mëtejshme”. Kjo ndodh edhe në deklaratën më të kujdesshme, atë të zyrës së OSBE në Tiranë, shefi i së cilës është i njohur për përplasjet me opozitën dhe, deri shpalljen persona non grata nga Presidenti Meta.

“U bëjmë thirrje të gjitha palëve të vazhdojnë dialogun për reformat të mëtejshme”, theksohet në deklartën e zyrës së OSBE në Tiranë.

“Reformat e mëtejshme’ shfaqen edhe në deklaratën e dytë më të kujdesshme, por gjithsesi shumë më të prerë dhe autoritative, atë të Ambasadës Amerikane, e cila në ndryshim nga OSBE ka shtuar edhe ‘mirëpritjen’ që ‘rruga e Elbasanit’ i bën rithirrjes së Këshillit Politik. Deklaratën, si për të konfirmuar autorësinë, e ka rishpërndarë në Tuiter edhe ambasadorja Yuri Kim.

Ambasadori i Europës në Tiranë, italiani Luigi Soreca ka qenë edhe më i qartë, por edhe më peshues, duke qenë se ai ka shpërndarë deklaratën e zyrës së tij dhe atë të Komisionit Europian në emër të BE. Deklarata bëhet specifike duke shfaqur edhe momente ‘tërheqje veshi’, si për shembull ‘ne kemi mbajtur shënim propozimin shtesë për reformim të sistemit zgjedhor’. Më tej komunikimi vazhdon me tone këshilluese duke folur për ‘nxitje të të gjitha partive për të vazhduar diskutimet në Këshillin Politik’.

Në fund, BE nuk harron të ritheksojë rëndësinë e marrëveshjes së kaluar sot në Kuvend pasi “Procesi i ndryshimeve shtesë, nuk duhet të cënojë frymën dhe rezultatet e 5 Qershorit”.

Ambasadori gjerman Zingraf ka qenë më i qarti, duke theksuar edhe kushtet e Bundestagut dhe faktin se politika shqiptare i ka pranuar ato si roadmap (hartë rruge). Përfaqësuesi i Berlinit, ashtu si diplomatët e tjerë, vijon me thirrjen për gjithëpërfshirje ‘që duhet të vazhdojë edhe në hapat e tjerë’. Aty ku deklatata e Zingraf shkon më afër Opozitës së Bashkuar ndodh me përmendjen e elementit kohë, e cila sipas gjermanëve ‘për ndryshime të thella duhet të jetë e mjaftueshme’. Opozita ka theksuar se ndryshimet e mëdha nuk mund të bëhen për disa ditë.

Deklarata e Zingraf shenjon edhe një fakt tjetër të cilit i ka mëshuar opozita; frikës se mos ndryshimet që kërkon mazhoranca, dhe votimi i tyre më 30 korrik, ‘do të ketë efekt prapaveprues mbi marrëveshjen e implementuar ligjërisht tashmë’, dmth 5 qershorin.

Deklarata e Ramës që është bërë pas të gjithë përfaqësuesve të huaj, edhe pse i është drejtuar opozitës duket se nuk i ka marrë parasysh ‘këshillat’ ndërkombëtare, edhe pse ato qartësisht i janë drejtuar opinionit publik duke patur në shënjestër Ramën. Ai e ka bërë të qartë se do të vazhdohet me ndryshimet, pranon apo jo Opozita e Bashkuar.

Nëse Rama ka vendosur të luajë sovranistin deri në fund, duke shkuar në një kurs përplasjeje me ndërkombëtarët, apo do të tërhiqet, kjo mbetet për t’u parë. Çka vlen si leksion është paralajmërimi që amerikanët i dhanë Bashës pak ditë para zgjedhjeve të 25 qershorit: tërhiqu ose do të të fusim në listën e zezë!