Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Maxhorancës

Najada Çomo shfaqet krah Ramës, pranon ftesën për të qenë pjesë e listave të PS

Politiko 4 Mars 2021, 11:06

Najada Çomo shfaqet krah Ramës, pranon ftesën për të

Kryeministri Edi Rama ka prezantuar në programin “Shëndetësia që duam”,  Najada Çomon, shefen e spitalit Infektiv, si kandidate të Partisë Socialiste në Tiranë.

Rama konfirmoi zërat se Çomo do të jetë pjesë e listave të PS, ndërsa tha se është dëshmi se qeveria ka mirënjohje për punën e atyre që janë në vijën e parë të zjarrit.

“Jam shumë mirënjohës edhe për faktin që ti je këtu. Ndoshta është momenti për ta thënë që të gjithë ta dëgjojnë. Duke pasur parasysh që në këtë udhëkryq që është kjo përballje, kjo ndeshje, kjo garë, Shqipëria duhet të flasë, duhet të ndjejë, duhet të jehojë zërin e atyre që janë në vijën e parë të kësaj lufte por edhe në anën tjetër të kësaj vije. Është me siguri një arsye për të reflektuar për skuadrën tonë. Është një arsye për të bërë një hap dhe për të shtrirë dorën e lutjes duke kërkuar që dikush, dhe kush më mirë se komandantja e vijës së zjarrit të vijë me ne jo për t’u bërë deputetja e radhës në një grup deputetësh, as për të lënë vijën e zjarrit dhe për t’u ulur në karrigen e rehatshme por për të qenë aty, sa herë duhet që zëri i brendshëm i atyre hapësira ku lufta është sy më sy dhe kacafytëse me armikun të mos i mungojë parlamentin, njerëzve, dhe qeverisë që do duhet të dëgjojë më shumë duke vepruar në sinkron me njerëzit. Në mënyrë spontane nxora një sekret të vogël pasi me shumë kënaqësi mora miratimin tënd”, tha Rama.

Nga ana tjetër, shefja e infektivit në fjalën e saj foli për punën brenda spitaleve Covid.

“Ne për ata kemi qenë pjesë e familjes së tyre dhe dashuria dhe puna që ofrojnë ata njerëz që janë brenda është e jashtëzakonshme, dhe është si një familjar i tyre t’i shërbej brenda mureve të spitalit. Ne vuajmë me ta, te ne do gjeni shumë lot, lot për dhimbjen dhe vuajtjen e atyre njerëzve, jetët e humbura brenda spitaleve. Nëse ju thash se është më shumë se një vit pune, koha do e tregojë sa shumë vite pune kemi investuar ne brenda atyre dhomave. E them sepse puna aty nuk zhvillohet me orare, aty filloi me 8 mars, e deri në rastin e fundit. Në punë kemi dhe qeshur kur marrim buzëqeshje dhe mesazhe pafund nga familjarët dhe popullit që i kemi shërbyer me devotshmëri familjare”, tha Çomo.

Të fundit