Nga letra e Macron, kartolina e Obamës e vizatimet e Zahos, rrëfimi i rrallë i Edi Ramës në zyrën kryeministrore

Kryeministri Edi Rama si rrallë herë ka bërë publik thuajse çdo cep të zyrës së tij kryeministrore.

Në emisionin ‘Opinion’, tregon se çfarë mban në zyrën e tij dhe ka lejuar të prezantohen në kamera edhe ambiente të tjera të godinës së kryeministrisë.

Rama tregoi se në zyrë mban dhurata të shumta si letrat e presidentit të Francës, Emanuel Macron, më tutje një kartolinë të ish presidentit të SHBA Barack Obama me shkrim dore, pikturat e djalit te tij te vogel, Zaho. 

“Dhuratat i protokolloj dhe i arkivoj . Pjesa tjetër janë nëpër korridor por ka edhe poshtë, kam bërë një hapësirë, qën uk është shfaqur asnjëherë. Dhuratat janë nga vizitorë, miq”, tha Rama, i cili më tej u ndal në tavolinën e punës, të mbushur plot me ngjyra.  

“Këto janë droga ime, i përdor kur jam i fokusuar te bashkëbiseduesi. Ka shumë njerëz që zhgararavisin, dhe sipas një studimi kush e bën këtë gjë, kanë një ulje të stresit deri në 30%”, tha Rama, i cili më pas tregoi se ngjitur me zyrën e tij mbante edhe një kosh basketbolli simbolik, topa basketbolli, apo bluzat e futbollistëve të njohur me autograf si Lorik Cana apo të Mesit.

Kryeministri tregoi dhe një skulpturë të Abraham Lincoln që ishte vendosur buzë disa shkrimeve në Twitter të Donald Trump.

“Këtë ma ka bërë një miku im, dhe Lincoln lexon ‘Twitter’e Trumpit,”- tha Rama.