Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Mungesa e Ramës në Kuvend dhe prioritetet ndërkombëtare!

Politiko 26 Qershor 2025, 18:14
Mungesa e Ramës në Kuvend dhe prioritetet ndërkombëtare!
Balluku, Rama

Kryeministri Edi Rama është rikthyer në Kuvend pas një mungese të gjatë.

Gjatë seancës së sotme plenare kreu i qeverisë është parë të ulet në vendin e tij ku ka qëndruar vetëm për disa minuta dhe më pas është larguar sërish. 

Prezenca e Ramës vjen direkt pas rikthimit nga Haga atje ku kreu i qeverisë ishte pjesë e samitit të NATO-s, për të përfaqësuar Shqipërinë në tryezën ku diskutohej për transparencë dhe siguri ndërkombëtare.

Kontrasti është se ndërkohë që vendi ynë ulet në tryeza ku flitet për siguri dhe transparencë, vetë kreu i shtetit nuk paraqitet në Kuvend, aty ku janë ngritur një sërë shqetësimesh nga opozita.

Duket se kjo është tashmë një “strategji” e re për të udhëhequr, të jesh jashtë vendit më shumë se në vendin tënd, dhe ta quash këtë angazhim të përkushtuar për Shqipërinë.

Hera e fundit që Rama ishte i pranishëm në Kuvend ishte më 18 nëntor të vitit të kaluar, një mungesë kjo relativisht e gjatë për një drejtues shteti. Pavarësisht se paguhet me paratë e taksapaguesve shqiptarë, Rama ka vendosur që të jetë i pranishëm vetëm kur do ai duke mos dhënë asnjë llogari.

Pa harruar të përmendet dhe fakti që po pak ditë më parë kreu i qeverisë u nis drejt New Yorkut për të marrë pjesë në dasmën e djalit të George Soros, miliarderi i akuzuar gjerësisht për politikbërjen në vendin tonë. Duket se kreu i qeverisë angazhimet ndërkombëtare i ka prioritet, ndryshe nga seancat plenare.

Kjo mungesë e papërgjegjshme e Ramës në Kuvend është një tregues se fasada që ai tregon me ndërkombëtarët është shumë larg me realitetin në vend.

Megjithatë le të shpresojmë që kryeministri të kuptojë se për të udhëhequr një shtet, nuk është e mjaftueshme të jesh i pranishëm në samite të jashtme, por të jesh i pranishëm edhe aty ku merren vendimet për të ardhmen e vendit (Kuvendi).

Të fundit