Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

Ditari i Opozitës

Meta: Më 11 Maj ndahemi nga Shqipëria eksperimentale e kukullave të Sorosit dhe përqafojmë Shqipërinë Madhështore

Politiko 27 Prill 2025, 17:22

Meta: Më 11 Maj ndahemi nga Shqipëria eksperimentale e kukullave

Kreu i Partisë së Lirisë, Ilir Meta, ka shpërndarë sot një mesazh audio drejtuar qytetarëve, duke bërë thirrje për mobilizim kombëtar në prag të zgjedhjeve të 11 majit, që ai i cilësoi si "dita historike e ndarjes me Shqipërinë eksperimentale të kukullave të Sorosit".

Në përvjetorin e Konventës Historike të 27 Prillit, Meta përkujtoi pesë prioritetet madhore që, sipas tij, do ta shndërrojnë Shqipërinë në një vend me mbi 4 milionë shqiptarë. Ai theksoi se programi i Shqipërisë Madhështore synon transformimin e vendit në një fuqi prodhuese dhe eksportuese, duke hedhur në koshin e plehrave modelin aktual të "Narkoekonomisë", ku "përfitojnë vetëm disa dhe vuajnë shumica".

“Këto zgjedhje janë për familjet tona, për mbështetjen e prodhimeve shqiptare dhe kundër 'Ballkanit të Hapur', që ka falimentuar fermerët dhe prodhuesit tanë”, deklaroi Meta. Ai premtoi se rritja e të ardhurave të shtetit përmes uljes së korrupsionit dhe vendosjes së taksave të ulëta do të mundësojë investime të mëdha në bujqësi, arsim, inovacion dhe teknologji.

Në fjalën e tij, Meta solli si shembull rastin e një pensionisteje 100-vjeçare nga Tirana, duke premtuar se pensionet do të rriten ndjeshëm, duke arritur në 200 euro brenda vitit dhe afro 500 euro deri në vitin 2030, krahasuar me premtimet aktuale që ai i cilësoi si "të pambajtura" nga qeveria e Edi Ramës.

Meta akuzoi kryeministrin Rama për “keqpërdorim të administratës dhe fëmijëve në funksion të pushtetit të tij në ikje” dhe për “fyerje të familjeve shqiptare që përballen çdo ditë me sfida të rënda sociale”. Ai e konsideroi periudhën e mbetur deri në zgjedhje si vendimtare për dy dekadat e ardhshme.

Në përmbyllje, Meta bëri thirrje për angazhim maksimal:
“Të përdorim çdo sekondë për të shpjeguar programin tonë të rimëkëmbjes ekonomike, mbështetjes së familjeve të reja, shpërthimit të bujqësisë dhe të ndërtimit të zonave të lira për teknologjitë më të avancuara. Në 11 Maj ndahemi përgjithmonë me Shqipërinë eksperimentale të kukullave të Sorosit dhe përqafojmë Shqipërinë Madhështore që realizon ëndrrat e fëmijëve tanë. Fitore!”.

Të fundit