Flash News

E-TJERA

Akuzat e PD për numrin e viktimave covid, Meta: Nuk them dot se s’ka, Prokuroria u detyrohet shqiptarëve të bëjë transparencë

Akuzat e PD për numrin e viktimave covid, Meta: Nuk them dot se s’ka,

Presidenti Ilir Meta deklaron se Prokuroria e ka detyrim të nisë hetimet dhe të bëjë transparencë për numrin real të viktimave nga covid-19 që nga fillimi i pandemisë.

Deklarata e Metës, në një intervistë për emisionin "Log” në abc neës vjen pas deklaratës së fortë të kreut të PD, Lulzim Basha se nga periudha mars-tetor janë fshehur mbi 400 raste humbje jete nga covid-19.

“Prokuroria i detyrohet popullit shqiptar të bëjë transparencë për humbjet e jetëve nga COVID-19. Ajo duhet të hetojë nëse ka, nuk them dot se s’ka për sa kohë që kreu i PD ka vënë disa evidenca dhe ka patur persona tjerë publikë duke dhënë dëshmi.

Sa i përket reagimit të mjekëve një ditë më pas, nuk e mendoj se janë blerë nga Ramna, por nga ana tjetër nuk mund të mos të më bëjnë përshtypje mjeku në Sanatorium si Arjan Mezini për sa e njoh në distancë se ai mund të bëjë deklarata spekulative, apo shqetësimin e një mjeku tjetër që është në stresin e pamundësisë për tu ofruar shërbimin e duhur që nga oksigjeni.

Sado mire qeveria të ishte organizuar prapë është një fatkeqësi, por të mos bëjë përpjekje për një konsensus, bashkëpunim me ekspertët e opozitës se i ka shumë të mirë, ti thuash mjeku se flet si komentator sportiv nuk është e mençur”, tha Meta.

Ditari politik

Të fundit