Flash News

Të shtëna me armë zjarri në Tiranë, plagosen 4 persona

Vrasja e Gjovalin Prendit në Lezhë, policia: 64-vjeçari u ekzekutua me armë zjarri në rrethana të paqarta

I ati u ekzekutua mbrëmjen e sotme në Lezhë/ Kush ishte Roan Brahimi, i dyshuari për atentate dhe rival i Ervis Martinajt

Atentat në Pllanë të Lezhës, vritet babai i Roan Brahimit

Mbërrijnë në Shqipëri 600 fletët e para të votimit nga diaspora

E-TJERA

Ekspertët e shëndetësisë: Siguria ushqimore në Shqipëri është zero

Politiko 9 Prill 2025, 16:40

Ekspertët e shëndetësisë: Siguria ushqimore në

Pas skandaleve të përsëritura për hyrjen e ushqimeve të dëmshme në vendin tonë, apo më keq akoma, njoftimin e vonuar për rrezikshmërinë e tyre pasi këto produkte janë konsumuar nga qytetarët shqiptarë, ekspertët e shëndetësisë fajësojnë autoritetet që kanë detyrë të përgjigjen për sigurinë tonë ushqimore.

Profesori i mikrobiologjisë, Andi Koraqi, thotë se institucionet kanë për detyrë të kontrollojnë cilësinë e ushqimeve para se të hidhen në treg, ndërsa me keqardhje flet për mungesën e sigurisë ushqimore në Shqipëri.

“Institucionet kanë detyrë për ta kontrolluar produktin. Pse e japin përgjigjen pasi del në treg? Kontrolli është metoda e vetme për të parandaluar. Ne të gjithë këtë informacion e kemi edhe nga media. Siguria ushqimore është zero, thuajse s’ka fare”, thotë ai.

Ndërsa për mishin e pulës me salmonelë, ardhur nga Brazili për tregun shqiptar, doktor Koraqi tregon se bakteri mund të përhapet nëse nuk ruhet higjiena dhe nuk zihet në temperatura të larta. Rrezik epidemie janë fast-food-et, ku temperatura e gatimit të mishit nuk arrin të vrasë bakterin e salmonelës.

Një tjetër rrezik për shëndetin e popullatës është përmbajtja e lartë e antibiotikëve në produktet shtazore – mishi, veza, qumështi, etj. – për shkak të përdorimit të medikamenteve tek kafshët. Mikrobiologu Andi Koraqi thekson nevojën për rritjen e kontrolleve në farmacitë veterinare dhe ngritjen e sigurisë ushqimore në nivele më të larta.

Hyrja e tonelatave të tëra të mishit të pulës me salmonelë nga Brazili, e më pas edhe e luleshtrydheve me pesticide nga Greqia, kaloi në heshtje nga institucionet përgjegjëse. Këto skandale sollën vetëm një dorëheqje – atë të drejtuesit të AKU-së së Tiranës – si dhe shumë pikëpyetje e pasiguri të qytetarëve për rrezikun e ushqimeve që konsumojnë përditë. /A2

Të fundit