Flash News

Protestuesit u tërhoqën zvarrë, Vengu qan hallin e deputeteve: Ç'taksirat kishin të sulmoheshin?

Policia korrigjon bilancin e aksidentit tragjik: Viktimë mbeti vetëm shoferi, fëmija u rikthye në jetë në spital

Shoferi dyshohet se pësoi infarkt, 15 pasagjerë të plagosur nga aksidenti fatal, një fëmijë në gjendje të rëndë

Aksidenti fatal në autostradë, minibusi ishte i linjës Berat–Tiranë, dyshohet se humbi kontrollin

Aksidenti fatal në autostradën Durrës-Tiranë, mbi 10 pasagjerë të plagosur dhe 2 viktima

E-TJERA

“Kam rënë në dashuri”, alibia pas së cilës u fsheh vrasësi portugez i Ardian Nikulajt

Politiko 27 Prill 2023, 09:57

“Kam rënë në dashuri”, alibia pas së cilës

Gazetari Artan Hoxha ka nxjerrë detaje nga identiteti i vrasësit të biznesmenit Ardian Nikulajt. Ekzekutori është shtetasi portugez i identifikuar si Ruben Saraiva.

Sipas Hoxhës, qitësi ka hyrë në territorin shqiptar më 11 shkurt dhe nuk është larguar deri më 19 prill, ditë kur ka ndodhur edhe vrasja e Ardian Nikulajt.

Gazetari thotë se vrasësi i Nikulajt ka qëndruar në fshatin Kakarriq, jo rastësisht, pasi nuk ka dashur të ekspozohet shumë, teksa gjente një vend të përshtatshëm për të ekzekutuar Nikulajn.

Gazetari tregon më tej një fakt interesant, një histori që vrasësi ka trilluar me qëllim që të justifikonte arsyen e ardhjes dhe qëndrimit në Shqipëri. Saraiva kishte deklaruar për banorët e zonës se kishte rënë në dashuri me një vajzë nga Shkodra, por familja e saj nuk pranonte t’ia jepte pasi ai ishte rrazëpërzier.

“Killeri apo qitësi, rezulton të jetë një shtetas portugez, Ruben Saraiva, i identifikuar nga policia pasi ka hyrë në Shqipëri në mënyrë të rregullt me linjë ajrore dhe është larguar menjëherë pas krimit nga një pikë e kalimit kufitar në rrugë tokësore, në jug-lindje të vendit.

Vrasësi ka hyrë në Shqipëri më datë 11 shkurt 2023 dhe nuk është larguar deri në mbrëmjen e 19 prillit 2023. Për më shumë se dy muaj, vrasësi ka qëndruar në Kakarriq, por është parë të lëvizë edhe në Lezhë apo Shëngjin, për të planifikuar atentatin, përzgjedhur vendin më të përshtatshëm ku mund të bëhej goditja dhe për të vëzhguar mënyrën se si mbrohej Nikulaj.

Ai ka zgjedhur të qëndrojë në një fshat si Kakariqi, jo në hotelet e shumta në Shëngjin apo Lezhë ku mund të tërhiqte më shumë vëmendjen dhe të ekspozohej. Interesant është fakti se vrasësi është një rracëperzier, një afro-europian, nga gadishulli Iberik.

Për të justifikuar faktin pse ndodhej në Shqipëri, madje në një fshat si Kakariq, ai përdori një alibi. Banorëve të fshatit u ishte thënë se “mulati” i ardhur nga jashtë, kishtë rënë në dashuri me një vajzë nga Shkodra.

Por familja e vajzës nuk kishte pranuar lidhjen e tyre pasi ai ishte rracëpërzier. Për t’i qëndruar afër të “dashurës” dhe për të patur mundësinë e takimit me të, ai kishte vendosur të qëndronte në një fshat jo shumë larg nga Shkodra. Madje vrasësi kishte nisur të thirrej nga fëmijët e fshatit Kakarriq, me nofkën “gabeli””, shkruan Hoxha në Facebook.

Të fundit