Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

‘Libri i zi i drogës’/ 100 milionë transkriptime flasin për lidhjet e shqiptarëve me bosin e trafikut në Itali

Politiko 6 Tetor 2022, 13:06

‘Libri i zi i drogës’/ 100 milionë transkriptime flasin

100 milionë biseda të transkriptuara, përfshirë këtu marrëveshje financiare, strategji ushtarake me një sfond mafioz, drogë, armë, para të transferuara nga një llogari bankare në tjetrën, kompani financiare fiktive.

Ky është materiali i marrë nga përgjimet e bisedave të zhvilluara në aplikacionin ‘Sky’ nga trafikantë dhe njerëz të kërkuar nga autoritetet. Komunikimi përmes ‘Sky’ bëhej me qëllim shmangien e gjurmimit nga autoritetet e drejtësisë. Përgjimet janë përpunuar nga një grup magjistratësh në Napoli, të cilët hedhin dritë edhe mbi biseda të bandave shqiptare me të ashtuquajturin bosi i kokainës, Raffaele Imperiale.

Ky i fundit njihet si njeriu që bleu dy piktura të vjedhura të Van Gogh nga muzeu i Amsterdamit. Një personazh aktualisht i ndaluar në një burg italian, pas një qëndrimi të gjatë në Dubai, aktualisht në qendër të kontrolleve hetimore pikërisht për trafik të dyshuar droge.

100 miliona bisedat e transkriptuara mund të shërbejnë si një pikënisje për të treguar ‘Librin e zi të drogës dhe pastrimit të parave’, që konsiderohen si dy shtyllat e ekonomisë kriminale në Italinë Jugore.

Bazuar në përgjimet, janë zbuluar edhe biseda me anëtarë të bandave shqiptare në Itali, si dhe një marrëdhënie e ngushtë në mes Napoli-Dubai dhe kryeqyteteve të tjera evropiane si Amsterdami, aty ku Imperiale kishte ngritur perandorinë e tij përpara se të shpërngulej në Dubai.

Në tetor të vitit 2021, bisedat e siguruara nga përgjimet nxorën në dritë detaje ‘top sekret’ duke filluar nga historia e 650 mijë eurove në vit që i dërgonte një kumbare e familjes Pagano çdo vit nga vetë Imperiale.

I mbrojtur nga avokatët kriminalë Maurizio Frizzi dhe Giovanni Riço, Imperiale ka refuzuar gjithmonë rolin e bosit të kupolës ndërkombëtare të trafikut të drogës. Gjatë gjyqit të parë, në të cilin u dënua përfundimisht, Imperiale tregoi vullnetin për të mbyllur llogarinë e tij me drejtësinë italiane, me një memorial mbrojtës që kulmoi në një lloj kthese.

I nënshtruar ndaj presionit nga hetimet e Guardia di Finanza, Imperiale u deklarua i gatshëm të pranonte një pjesë të akuzave fillestare, në një skenar në të cilin dolën dy kanavacat e Van Gogh-ut të vjedhura në vitin 2002.

 

Të fundit