Flash News

E-TJERA

Meta porosi Kryemadhit: Kategoria që nuk duhet të përfshihet në listat e kandidatëve, politika nuk është për ta

Meta porosi Kryemadhit: Kategoria që nuk duhet të përfshihet

Presidenti Ilir Meta i ka dhënë një porosi ‘live’, nën cilësinë e ish kreut të LSI, i ka dhënë një porosi ‘live’ kryetares aktuale dhe të sapo zgjedhur të LSI, Monika Kryemadhi se biznesmenët janë kategoria që nuk duhet të përfshihet ose sa më pak në listat e kandidatëve në zgjedhjet e 25 prillit.     

“U bëj thirrje se nuk i kanë detyrim asnjë oligarku, biznesmeni, sa më pak biznesmenë në listat për kandidatë , as një ish ministri, ish drejtori, për çdo akt që mund të kenë bërë në shkelje të ligjit. Porosia e parë që u kam dhënë ka qenë zbatoni ligjin.

Sa më shumë figura të reja, hapje e partisë se kjo është rruga për të dalë nga kjo kënetë. Sa më pak biznesmenë në parlamentin e ardhshëm. Skam gjë me ta, politika është për politikanët”, tha Meta në ‘abc news’.

I pyetur për zgjedhjet në LSI, ku të shtunën u rizgjidh sërish kryetare Kryemadhi pa rival, Meta tha se ajo ka bërë vetëm një gabim.

“Gabimi që bëri Monika dhe nuk ja fal është lënia e mandateve, por edhe atë e bëri për karakter e solidaritet. Ajo është është në politikë prej meritave të saj, jo lidhjes me mua. Për Kryemadhin PS ka ndryshuar statuti, është figurë që ka përkrahjen e saj”, u shpreh presidenti.

Ditari politik

Të fundit