Flash News

26 vjet nga ndërhyrja e NATO-s në Kosovë, Osmani: Liria mori krahë

E zuri traktori, zbardhet identiteti i shqiptarit që humbi jetën tragjikisht në Itali

Moti i keq/ Durrës, vonesa në nisjen e trageteve drejt Italisë

Ahmetaj flet për arrestimin e Veliajt: Teatër i orkestruar nga Rama për të futur frikë brenda PS. Balluku? Mjeshtre e korrupsionit

Sherri në Kamëz, kush është 38-vjeçari që mbeti i plagosur?

E-TJERA

Pas arrestimit të Veliajt, SPAK merr nën hetim edhe deputeten e PS

Politiko 10 Shkurt 2025, 16:44

Pas arrestimit të Veliajt, SPAK merr nën hetim edhe deputeten e PS

Kryetari i Bashkisë së Tiranës, Erion Veliaj është shoqëruar sot nga BKH dhe SPAK, pas një aksioni në Bashkinë e Tiranës. Ai akuzohet për korrupsion pasiv dhe pastrim parash, ndërkohë që masa për të është caktuar nga gjyqtari Erjon Bani.

Veç tij, SPAK kërkoi arrest shtëpie’ edhe për bashkëshorten e tij  Ajola Xoxën dhe 'detyrim me paraqitje', për biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha. Këta të fundit dyshohet se biznesmenët kanë marrë tendera të dyshimtë pranë Bashkisë së Tiranës.

Veç tyre, edhe deputetja e Partisë Socialiste, Klotilda Bushka, e cila mban edhe postin e kryetares së Komisionit të Ligjeve, raportohet se është vendosur nën hetim gjithashtu pas arrestimit të kryebashkiakut Veliaj.

Kjo e fundit është regjistruar nga SPAK si person i dyshuar për kryerjen e veprës penale të “Veprime që pengojnë zbulimin e së vërtetës”. Kjo pasi deputetja Bushka ka punuar si juriste në kompanitë e bashkëshortes së Veliajt, Ajola Xoxa.

“Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases Klotilda Bushka Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal.

Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim Klotilda Bushka ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.

Prokuroria e Posaçme Kundër Korrupsionit dhe Krimit të Organizuar falenderon Policinë e Shtetit për bashkëpunimin në fazën e ekzekutimit të masave të sigurisë”, thuhet në reagimin e SPAK.

 

 

 

 

Të fundit