Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Pretenca e SPAK për inceneratorin e Tiranës, Xama: Autoriteti kontraktor s'ka parë ende abuzimet

Politiko 7 Shkurt 2025, 16:51

Pretenca e SPAK për inceneratorin e Tiranës, Xama: Autoriteti

Prokuroria Speciale ka shpallur sot pretencën për inceneratorin e Tiranës, ku kërkon 4 vite heqje lirie për ish-ministrin e Mjedisit, Lefter Koka. Po ashtu Prokurori Dritan Prençi kërkoi dhe heqjen e të drejtës për të ushtruar funksione publike për pesë vite për Kokën.

Gazetarja Ola Xama tha në MCN Tv se ende nuk janë gjetur se ku kanë shkuar paratë dhe se autoritetet nuk janë marrë me procedurën e zbatimit.

Xama thotë se autoriteti kontraktor, që duhet të ishte i përbërë nga përfaqësues të MIE-s dhe Bashkisë Tiranë dhe të kontrollonte projektin nuk ka parë ose ka bërë sikur nuk ka parë se kush ka abuzuar me paratë.

"SPAK është fokusuar tek veprat penale të inceneratorit të Tiranës që lidhen me procedurën e dhënies së inceneratorit të Tiranës, dhe jo me procedurën e zbatimit të inceneratorit të Tiranës, ndërkohë që kemi  dhe një pjesë tjetër të hetimeve që merret me veprat e pastrimit të parave që mendohet se janë vjedhur nga inceneratori i Tiranës.  

Ajo që është pjesa e luanit, është që një procedurë mund të jetë nisur me mendjen për të abuzuar dhe sot kemi disa zyrtarë që po mbajnë përgjegjësi, apo do të mbajnë në të ardhmen se varet nga vendimi që do të marrë gjykata përgjegjësi për veprën e shpërdorimit të detyrës për inceneratorin e Tiranës. Ende nuk kemi gjetur paratë se ku kanë shkuar, miliona euro që ka dhënë buxheti i shtetit për t’ia kthyer taksapaguesve. Nuk jemi marrë ende me procedurën e zbatimit, se nuk është vetëm ai që jep koncesionin, por dhe ai që e zbaton.

Studimi i fizibilitetit, kontrata koncesionare shprehet që pala e koncesionarit duhet të investojë 128 milionë euro për 7 vjet. Nuk e ka fajin ai që ka thënë jam dakord që të investohen 128 milionë euro,  faji është atij që ka lënë që këto para të vidhen e të mos investohen. Dhe ai që është syri monitorues, dhe në këtë rast autoriteti kontraktor, është një strukturë, ka qenë Ministria e Mjedisit dhe më pas i ka shkuar MIE-s ku ngre njësinë e monitorimit të projektit. Si MIE dhe pala e Bashkisë së Tiranës që duhet të dërgonte përfaqësues janë përgjegjës për atë që ka ndodhur, janë dhënë 100 milionë euro për trajtimin e mbetjeve dhe për të ndërtuar një incenerator , dhe askush nuk e ka parë apo ka zgjedhur të bëjë sikur nuk e ka parë, faji është lënë jetim. Kemi të bëjmë me hetim që 4 vite kohë. Vjedhja edhe e parave të dherave, apo inerteve që depozitonin ndërtuesit ka ndodhur edhe gjatë 2023 që ka qenë kulmi i hetimeve të SPAK", tha gazetarja. 

Të fundit