Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Raporti i KE për Shqipërinë: Politika presion drejtësisë, korrupsioni i përhapur në shumë fusha

Politiko 24 Korrik 2024, 20:00

Raporti i KE për Shqipërinë: Politika presion

Korrupsioni, vazhdon të jetë një fenomen shqetësues në sytë e ndërkombëtarëve.

Ky konkluzion u nënvijëzua në raportin e fundit që Komisioni Evropian ka publikuar  së fundmi për sundimin e ligjit në Shqipëri.

Sipas këtij raporti, korrupsioni prek shumë fusha sidomos fushatat elektroale, apo procedurat e prokurimit, veçanërisht për partneritetet publiko-private.

"Korrupsioni është i përhapur në shumë fusha, duke e përfshirë gjatë fushatave elektorale, duke vazhduar të ketë ndikim të kufizuar në sektorët vulnerabël. Transparencë e kufizuar në publik procedurat e prokurimit, veçanërisht për partneritetet publiko-private, janë një burim shqetësimi. Keqpërdorimi i burimeve shtetërore gjatë fushatave elektorale është një fushë shqetësuese”, thuhet ndër të tjera në raport.

Një tjetër shqetësim është presioni i politikanëve apo zyrtarëve të lartë ndaj njerëzve të drejtësisë.

“Megjithë pavarësinë e fortë dhe garancitë që u dhanë, procesi i emërimeve, promovimeve dhe transferimeve të magjistratëve, ndikohet nga transparencë e kufizuar dhe sfida në kohë dhe cilësi për vlerësime. Mbeten shqetësim tentativat për ndërhyrje dhe presion mbi sistemin gjyqësor nga zyrtarë publikë apo politikanë” thuhet në raport.

Sa i përket lirisë së medias, në raport theksohet me shqetësim transparenca e pronësisë së medias, e  drejta e aksesit në dokumente publike dhe shpërndarjen transparente.

“Edhe pse janë bërë hapa konkretë për të përmirësuar sigurinë dhe mjedisin e punës së gazetarëve, si dhe janë zgjeruar detyrat dhe kompetencat e disa rregullatorëve kombëtarë të medias. Shqetësimet për qeverisjen e pavarur ose stabilitetin financiar të mediave të shërbimit publik, transparencën e pronësisë së medias, të drejtën e aksesit në dokumente publike dhe shpërndarjen transparente dhe të drejtë të reklamave shtetërore vazhdojnë. Rekomandimet fokusohen në këto fusha për të siguruar një peizazh mediatik të lirë dhe pluralist”, thuhet në raport.

 

 

Të fundit