Flash News

Shembja e masivit të kromit, ende asnjë shenjë nga vjeçari në Klos

Video/ Aksident i rëndë në Peshkopi, drejtuesi i dehur merr para efektivin e policisë

E rëndë në Prizren, babai vret vajzën 15-vjeçare, plagos bashkëshorten dhe vajzën tjetër

‘Bursa e votës’: Shkodra mes rivalitetit PS-PD dhe faktorit “Doshi”

Goditet me gotë qelqi e reja në Korçë që denigronte minorenet në Instagram

E-TJERA

"(Rezoluta për gjenocidin e Kosovës) nuk është problem", Abazi komenton përgjigjen 'e thatë' të Ramës: Ka harruar se ka krah e dorë të majtë

Politiko 4 Dhjetor 2020, 10:45
"(Rezoluta për gjenocidin e Kosovës) nuk është
Në foto: Kreu i LVV Tiranë, Boiken Abazi

Prej më shumë se 1 viti Lëvizja Vetëvendosje Tiranë i ka kërkuar qeverisë dhe Parlamentit miratimin e një projekt-rezolute për njohjen dhe dënimin e gjenocidit të Serbisë gjatë luftës në Kosovë.

Sipas LVV, ky është hapi i parë i domosdoshëm institucional i Shqipërisë për të ndihmuar më tej Kosovën, që dosja për gjenocidin e Serbisë të depozitohet në çdo organizatë ndërkombëtare dhe ndërqeveritare, duke kërkuar me insistim gjykimin e kriminelëve të Serbisë.

E ndërsa Kuvendi ka ngritur një Komision të Posaçëm Parlamentar për raportin e Dick Marty, miratimi i rezolutës për gjenocidin serb në Kosovë vijon ende të zvarritet si çështje, duke u lënë (me apo pa qëllim) jashtë axhendave të legjislativit dhe ekzekutivit.

I pyetur për këtë çështje nga gazetari Alfred Lela, kryeministri Rama tha se miratimi i rezolutës “nuk është problem... ”.

Nisur nga kjo përgjigje ‘e thatë’ e Ramës ka reaguar menjëherë kreu i LVV në Shqipëri, Boiken Abazi.

Abazi ka vënë në dukje momentin e sikletshëm të kryeministrit, i cili një pyetje direkte i është përgjigjur me gjestikulacione shqetësuese të përmbyllura me një “nuk është problem”.

Më tej, po ashtu kreu i LVV Tiranë ka lënë të nënkuptohet se me politikat e tij, Rama vetëm i majtë nuk është.

“U duk se duke kruar faqen e majtë me dorën e djathtë, KM Rama harroi se ai kishte edhe dorë të majtë ... Dikush më tha se Rama ka shumë vite që ka harruar se ka krah e dorë të majtë”, shkruan Abazi.

Reagimi i plotë i Abazit:

Në pyetjen që gazetari Alfred Lela i shtroi sot KM Edi Rama për miratimin në Kuvendin e Shqipërisë të rezolutës për njohjen dhe dënimin e gjenocidit të Serbisë ndaj shqiptarëve, Rama u përgjigj, pasi kruajti faqen e majtë me dorën e djathtë: "nuk është problem".

Nuk e dimë se çdo të thotë "nuk është problem" se kemi 1 vit që e kërkojmë dhe nuk e ka bërë, dhe sigurisht mund ta kishte bërë edhe më herët pa ia kërkuar ne. Megjithatë, u duk se duke kruar faqen e majtë me dorën e djathtë, KM Rama harroi se ai kishte edhe dorë të majtë ... Dikush më tha se Rama ka shumë vite që ka harruar se ka krah e dorë të majtë.

Të fundit