Situata e Covid-19, Komiteti Teknik i Ekspertëve lë në fuqi të njëjta kufizime

Komiteti Teknik i ekspertëve ka vendosur të lejë në fuqi të njëjtat masa kufizuese sa i takon pandemisë së Covid-19.

Zëvendësministrja e Shëndetësisë Mira Rakacolli deklaroi në mbledhjen e sotme se ka një përmirësim të situatës por ende vendi nuk është aty ku duhet.

"Ky është një proces mjaft kompleks por po vazhdon me ritme mjaft të mira. Megjithatë pavarësisht këtyre arritjeve situata nuk është aty ku duhet të jemi dhe mendohet që masat të vijojnë të mbeten aty ku kanë qenë", tha Rakacolli.

Masat që mbeten në fuqi:

Vendi do të mbyllet gjatë fashës orare 20:00-06:00. 

Qytetarët nuk lejohet që të lëvizin gjatë kësaj fashe orare.

Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.

Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.

Shkollat e mesme në zonat e riskut të lartë vijojnë online përveç maturantëve.

Universitetet do të vijojnë me mësimin online.

Fluturimet me Britaninë e Madhe mbeten të pezulluara.