Flash News

Të paktën 91 të vdekur nga përmbytjet në Teksas

Gjendet një trup i dekompozuar në Kolonjë, dyshimet e para

Aksident në Sarandë, makina përplas motorin, një i plagosur

Pse lirimi i Abi Malltezit nuk e çliron atë; aq më pak Shqipërinë

Kapet duke transportuar armë zjarri nga Kosova në Shqipëri, arrestohet i riu (EMRI)

E-TJERA

Vrasësi shqiptar 'trazon ujërat' në Britani: Gjykata i dha anonimitet të dënuarit me burg përjetë, ‘The Sun’ u ndalua ta identifikojë

Politiko 10 Prill 2023, 10:19

Vrasësi shqiptar 'trazon ujërat' në Britani: Gjykata i

Edhe pas takimit mes dy krerëve të qeverisë, kryeministrit Edi Rama dhe homologut britanik Rishi Sunak, shqiptarët mbeten në qendër të mediave dhe artikujve vendas në Mbretërinë e Bashkuar.

‘The Sun’ sjell rastin e një gangster shqiptar të cilit i është dhënë anonimiteti pasi ka kërkuar azil në MB, për të mbrojtur sigurinë e tij.

Madje, një gjykatës e ndaloi ‘The Sun’ të identifikonte njeriun, fajtor për krime të tmerrshme, përfshirë vrasjen. Gangsteri mbërriti me varkë në Britani pasi kreu një dënim të përjetshëm për vrasje dhe vepra të tjera të cilësuara shumë të rënda në vendin e tij.

Gjykatësi vendosi se identiteti i tij duhet të mbahej i fshehtë "për hir të sigurisë së tij" - pasi ai pretendoi se ishte në rrezik nga mafiozët rivalë.

Kjo ka shkaktuar përplasje në radhët e deputetëve konservatorë në Britani. Deputeti David Morris ka reaguar ashpër duke e konsideruar një përbuzje ndaj britanikëve.

“Është një vendim i egër që tregon përbuzje për qytetarët britanikë. Pse të mbrohet ‘siguria’ e një krimineli karriere, i cili është dënuar për vrasje, i cili nuk ka të drejtë të jetë këtu?”, tha Moorris.

Deputeti tjetër i konservatorëve, Philip Davies tha: “Publikimi i identitetit dhe krimeve të tij është qartësisht në interesin publik.”

Gjykatësi Nicholas Aldridge vendosi që asgjë nuk duhet të publikohet që mund të identifikojë drejtpërdrejt ose tërthorazi shqiptarin, duke përfshirë listën e tij të krimeve.

Një zëdhënës i Ministrisë së Brendshme tha se ky “është një shembull tjetër tronditës se pse ne duhet të ndalojmë anijet.”

The Sun ka nisur një apel kundër vendimit të anonimitetit. Gjykatësi e refuzoi kërkesën e shqiptarit për lirim me kusht.

Të fundit