Flash News

Zjarri del jashtë kontrollit në Lushnjë, një i plagosur dhe një i arrestuar

Rasti i 17-vjeçares në Fier merr tjetër kthesë, vajzat dyshohet se shantazhonin burra me takime në hotel

Refuzohet kërkesa e motrës së Belinda Ballukut për t'u bërë gjyqtare e Apelit

Princ Leka bëhet baba për herë të dytë, vjen në jetë Aleksandër

Fier/ Ndryshohen masat e sigurisë për vajzat e përfshira në dhunimin e 17-vjeçares

Bota

Europa po armatoset, DW: Kërkon pavarësinë nga SHBA-ja

Politiko 10 July 2026, 16:21
Europa po armatoset, DW: Kërkon pavarësinë nga SHBA-ja

Europa po përpiqet të forcojë mbrojtjen e saj dhe të ulë varësinë nga Shtetet e Bashkuara, edhe pse për momentin armët amerikane mbeten shtylla kryesore e riarmatosjes së kontinentit.

Në samitin e NATO-s në Ankara, kompanitë amerikane siguruan kontrata të rëndësishme, ndërsa blloku europian nisi hapa për të zhvilluar kapacitetet e veta.

Në sektorin e raketave, prodhimi pritet të zhvendoset pjesërisht në kontinentin e vjetër. Kompanitë Lockheed Martin dhe Rheinmetall kanë rënë dakord për bashkëprodhimin e raketave ATACMS në Gjermani, me synimin për të rritur rezervat europiane pa dëmtuar industrinë amerikane.

Një nga sfidat kryesore mbetet mbrojtja ajrore. Sistemi amerikan Patriot vazhdon të jetë baza e mbrojtjes së shumë vendeve të NATO-s dhe luan rol kyç edhe në Ukrainë. Megjithatë, Europa po zhvillon alternativa, si sistemi franko-italian SAMP/T NG për mbrojtjen me rreze të gjatë dhe IRIS-T i Gjermanisë për distanca të mesme. Këto sisteme synojnë të krijojnë një mburojë ajrore më të pavarur europiane gjatë viteve të ardhshme.

Edhe në fushën e sulmeve me rreze të gjatë, Europa ende mbështetet te teknologjia amerikane, thotë DW. Gjermania ka planifikuar blerjen e raketave Tomahawk nga Shtetet e Bashkuara, ndërsa synon të zhvillojë raketa dhe sisteme të veta me rreze veprimi deri në 2 mijë kilometra.

Një tjetër mësim nga lufta në Ukrainë është rëndësia e dronëve. Bashkimi Europian synon të krijojë një industri të përbashkët për dronët dhe sistemet kundër tyre. Në këtë projekt, përveç vendeve të BE-së, merr pjesë edhe Ukraina, e cila sjell përvojën e saj të drejtpërdrejtë nga përdorimi masiv i mjeteve fluturuese pa pilot në luftë.

 

Të fundit