Flamengo duket i pandalshëm në futbollin brazilian. Klubi “Mengao”, pas fitimit të titullit në Serinë A braziliane dy muaj më parë, kurorëzohet edhe kampion i kampionatit Carioca. Në finale, ekipi i Jorge Jesus mposhti Boavistën 2-1 me përmbysje.
Heroi i takimit ishte i zakonshmi Gabriel Barbosa, ose siç njihet ndryshe Gabigol. Ky i fundit finalizoi një aksion magjik të ekipit të tij, me pasime të shpejta, që dehën mbrojtësit e Boavistës.
Festë e çmendur për ish-sulmuesin e Interit, teksa hidhet mes tifozëve të tij. Vlen për t’u përmendur edhe “look”-u i ri i Gabigol, i cili ka lyer flokët edhe mjekrën.
Financuar Nga Bashkimi Europian
