Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Gazeta gjermane për krizën në Kosovë: Nga zgjedhjet e parakohshme favorizohet ‘VV’; Kurti rrëzon strategjinë e ndërkombëtarëve

Politiko 8 Gusht 2017, 12:55
Gazeta gjermane për krizën në Kosovë: Nga zgjedhjet e

Në një artikull të së përditshmes gjermane "Tageszeitung" analizohet kriza politike në Kosovë, ku edhe dy muaj pas zgjedhjeve nuk është krijuar ende qeveria.

Shumë vëzhgues janë të medimit, se për shkak se javën e kaluar nuk u arrit të zgjidhej as kryetari i Kuvendit, kjo do ta çojë Kosovën drejt zgjedhjeve të reja, vëren "Taz". Gazeta gjermane i kushton vëmendje takimit të së mërkurës, ku partitë politike do të diskutojnë rrugët e daljes nga kriza dhe thekson se "Vetëvendosja" i qëndron larg takimit. "Ajo do të përfitonte nga zgjedhjet e reja më shumë", shkruan "Taz", duke e cilësuar Albin Kurtin, kandidatin e dëshiruar të gjeneratës së re, por që përfaqësuesit ndërkombëtarë shohin tek Kurti një pengesë për afrimin e Kosovës me Serbinë.

"Vërtet që edhe tek institucionet ndërkombëtare po ndërrohet mendimi, kështu Kurti nuk etiketohet më në përgjithësi si nacionalist....por në rast fitoreje të tij, strategjia ndërkombëtare duhet të konsiderohet e dështuar", raporton DW.

Një temë tjetër, të cilës i kushton vëmendje e përditshmja gjermane "Taz" është plani i BE për krijimin e Asosiacionit të Komunave Serbe,  me parlamentin e presidentin e vet. Ky plan kundërshtohet hapur nga Albin Kurti, thekson "taz", sepse ai e barazon atë me modelin e ndarjes së Bosnjes. Por interes këtu kanë serbët. "Serbia dhe serbët e Kosovës në parlamentin e Kosovës janë gati të mbështesin të cilësuarit si "kriminelë lufte" të UÇK-së , vetëm për të realizuar krijimin e asociacionit të komunave", shkruan "Taz".

Të fundit