Flash News
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
Presidenti Begaj dekreton ligjin për zonat e mbrojtura
Mbytet në ujin e shatërvanit një i mitur afgan në Shëngjin
“Minuan sundimin e ligjit”, DASH shpall ‘non grata’ tre zyrtarë të lartë në Ballkan
Akuzohet për 4 vepra penale/ SPAK nis hetimet ndaj drejtorit të Tatimeve, Ceno Klosi
Gjermania dëboi më shumë emigrantë në vitin 2018, mes tyre edhe shqiptarë
Gjermania shtoi numrin e të dëbuarve nga territori i vet për vitin 2018, ku shumicën e bëjnë shtetasit nga Shqipëria, Ukraina dhe Serbia.
DW shkruan se në “pesë vitet e fundit janë dëbuar gjithnjë e më shumë të huaj nga Gjermania. Në vitin 2018, ishin rreth 7500 vetë - shifër dyfish më e madhe se në vitin 2014. Edhe në gjysmën e parë të këtij viti, autoritetet u kanë kërkuar më shumë se 4500 vetëve të largohen nga Gjermania. Sipas "Neue Osnabrücker Zeitung", Ministria e Brendshme e ka komunikuar këtë në Bundestag, pas një pyetjeje të partisë ‘E Majta’”.
Referuar bazës së të dhënave të të gjithë të huajve të dëbuar ndonjëherë nga Gjermania, rezulton që vendin e parë e zë Turqia, me më shumë se 50,000 shtetas të dëbuar.
Kur një person merr një të ashtuquajtur "urdhër dëbimi", atij zakonisht i kërkohet të largohet nga Gjermania brenda një afati të caktuar. Nëse nuk e bën këtë,mund të dëbohet nga autoritetet, pra të nxirret me detyrim nga vendi.
Sipas Ministrisë së Brendshme, deri në fund të qershorit 2019 një urdhër të tillë dëbimi e kanë marrë gjithsej rreth 300,000 vetë. Rreth 30.000 vetë prej tyre në këtë kohë ndodheshin akoma në Gjermani, të tjerët qenë larguar vullnetarisht ose me detyrim.
Por midis 16 landeve federale ka dallime të mëdha : në Baden-Württemberg, vitin e kaluar u regjistruan gati 1.600 dëbime, kurse në Mecklenburg-Vorpommern,sipas gazetës ishin vetëm 12.