Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

KRYESORE

Gjykata Antikorrupsion nis gjyqin Ndroqi-Veliaj; Kryebashkiaku nuk paraqitet, shtyhet seanca e parë

Politiko 16 Korrik 2020, 20:47
Gjykata Antikorrupsion nis gjyqin Ndroqi-Veliaj; Kryebashkiaku nuk paraqitet,

Ditën e sotme ishte caktuar të mbahej seanca e parë gjyqësore mes pronarit të “Yldon Media Group” dhe Kryetarit të Bashkisë së Tiranës, Erion Veliaj, pas padisë të ngritur nga Ndroqi ndaj kryebashkiakut për “shpifje” dhe “moskallëzim krimi”.

Seanca është shtyrë, pasi Erion Veliaj nuk është paraqitur në gjyq, duke u përfaqësuar nga avokatët e tij. Pronari i “Ora News”, Ylli Ndroqi, i cili ishte i pranishëm ka kërkuar që të shtyhet seanca pasi ai kërkon që të jetë i pranishëm edhe vetë Veliaj.

I pyetur më herët nga gazetarët, Veliaj deklaroi se do të merrte pjesë në proces. Por, mëngjesin e kësaj të enjte, la të kuptohej se nuk do të ishte i pranishëm në seancën e parë në SPAK.

Pas përfaqësimit të Veliajt përmes dy avokatëve të tij në seancë, presidenti i Yldon Media Group, Ylli Ndroqi ka kërkuar që procesi të zhvillohej vetëm në prani të Kryebashkiakut, çka solli dhe shtyrjen e seancës në datën 22 korrik.

Për Ndroqin, mospjesëmarrja e Kryebashkiakut flet vetë.

“ Unë ju përgjigja thirrjes së Gjykatës së Posaçme, ndërsa kryetari i bashkisë së Tiranës nuk ju përgjigj thirrjes. Kjo tregon se zoti Veliaj nuk u bindet fletë-thirrjeve. I bëj thirrje që seancën tjetër duhet të jetë prezent”, ka thënë Ndroqi.

Në fakt procesi nisi pasi gazetarët e RTV ora dhe Ora Neës u ndjenë nën presion prej reagimeve të Kryebashkiakut, referuar kronikave televizive të paraqitura në këtë media referuar kryeqytetit.

Të fundit