“Shqipëria dhe Maqedonia e Veriut e meritojnë hapjen e negociatave, për t’u anëtarësuar në BE”.
Kështu ka deklaruar Johannes Hahn, Komisioneri për Zgjerim gjatë një interviste për gazetën e përditshme malazeze Vijesti.
Sipas Hahn, BE do të vazhdojë të mbështesë Ballkanin Perëndimor drejt integrimit evropian, që është në interes të vetë unioni.
”Maqedonia e Veriut ka bërë përparime domethënëse sidomos me nënshkrimin e një marrëveshjeje me Greqinë, që i dha fund çështjes së shumëdebatuar për emrin e vendit të vogël ballkanik. Kjo marrëveshje do të jetë subjekt i librave të historisë”, u shpreh Hahn.
Pritet që Hahn të zëvendësohet zyrtarisht nga hungarezi Laszlo Trocsanyi nga Parlamenti Europian, me emërimin e komisionerëve të rinj të KE.
Financuar Nga Bashkimi Europian
