Helmet e rrezikshme në Vlorë, pikëpyetja e madhe në mediat italiane

Pse nuk u bllokuan në Brindisi mbetjet e rrezikshme? Pse u lejuan të largohen qetësisht? Këto janë pyetjet e mëdha që ngrenë mediat italiane në lidhje me  skandalin e futjes së mbetjeve me lëndë kancerogjene në Shqipëri.

Gazetari Carlo Bollino, flet për “një skandal që e zemëron si një qytetar italian dhe e ofendon si një qytetar shqiptar”.

Trageti, shpjegon ai, “ishte në gjendje të linte portin pa pengesa, me mbajtësin e shndërruar në një deponi për mbeturina toksike !! Skandali u zbulua me të mbërritur në portin shqiptar nga policia shqiptare. Por kontrollet në Itali akoma ekzistojnë? A janë autoritetet e sigurisë së portit të Brindisi indiferentë dhe për këtë arsye të ndërlikuar? Apo jeni të gjithë të pushuar nga puna për mungesë fondesh? ‘

Operacioni “Amianti” u zhvillua një ditë më parë në Vlorë, ku u sekuestrua lënda e rrezikshme që shkakton kancer dhe ishte nisur nga Itaia me tragetin “St Damiano” të linjës Brindisi-Vlorë. Të kamufluar me fuçi të kompanisë Eni e ndërsa në kontratë shkruheshin si produkte për kompani pastrimi, mbetjet ishin future 15 herë në Shqipëri. ky operacion vuri në pranga 6 persona, ndërsa çështja është në duart e SPAK.