Zyrtarisht, eventi i fundit ku “Game of Thrones” është nominuar për t`u vlerësuar me çmim ishte ai i mbrëmjes të së dielës “SAG Awards”.
Pooo, dhëmb shumë; e dimë :'(
Për të gjithë fansat e zjarrtë dhe besnikë prej një dekade të një prej shfaqjeve më të suksesshme në historinë televizive, ishte mundësia e fundit për të parë edhe njëherë aktorët tanë të preferuar.
Aktorët e “Game of Thrones” u shfaqën në tapetin e kuq të eventit të ndarjes së çmimeve për aktorët më të mirë për rolet e vitit 2019-të, po ashtu shijuan dhe momentet në prapaskenë.
Sophie Turner(Sansa Stark), Alfie Allen(Theon), John Bradley (Samëell Tarlly) dhe Gwendoline Christie(Brienne of Tarth ), Peter Dinklage (Tyrion Lannister ), Nikolaj Coster-Waldau (Jaime Lannister), Nathalie Emmanuel (Missandei), Kristofer Hivju (Tormund) e disa aktorë të tjerë, ishin aty dhe u ribashkuan për herë të fundit për një event ku konkurronin për çmim.
Fotot e tyre u komentuan shumë në rrjete sociale dhe sigurisht që ky ribashkim i fundit na rikujtoi edhe njëherë sa shumë do të na mungojë “GoT”.
Një nga momentet kulminante për aktorët e Game of Thrones ishte kur kolegu i tyre, Peter Dinklage, mori çmimin si “Aktori më i mirë mashkull” në një ‘serial dramatik’.
Megjithëse do na kishte pëlqyer që të shihnim edhe Emilia Clarke (Nënen e Dragonjve) dhe as Kit Harington (Jon Snow) apo Maisie Williams (Arya Stark) apo shumë e shumë aktorë të tjerë, me të cilët jemi rritur.
Pra, “Game Of Thrones” i erdhi me të vërtetë fundi.
