Infektohet me Covid-19 e fejuara e djalit të presidentit Trump

E fejuara e djalit të presidentit amerikan, Kimberly Guilfoyle ka rezultuar me koronavirus, raportojnë mediat amerikane.

Ajo është edhe pjesë e stafit të fushatës për rizgjedhjen e Trumpit në krye të Shtëpisë së Bardhë.
New York Times raportoi se Guilfoyle nuk ka qenë së fundmi në kontakt me Presidentin Trump.

Ndërsa ABC News raportoi se Guilfoyle ishte asimptomatike.

Trump është kritikuar gjerësisht për nënvlerësimin e seriozitetit të krizës koronavirus që tani ka vrarë më shumë se 120,000 amerikanë. Trump ka refuzuar të vendosë maskë për fytyrën, promovoi teori të pabaza të komplotit mbi origjinën e virusit dhe kurat e mundshme dhe për shtytjen për rihapjen e shpejtë të ekonomisë amerikane.