Policia njoftoi sot se është sekuestrua pasuria marramendëse prej 12 mln eurosh biznesmenit nga Fieri, Arjan Shanaj.
Sipas hetimeve, këto pasuri janë të përfituara nga veprimtaria kriminale në fushën e trafikimit të drogave të forta.
Bëhet fjalë për pasuri të tilla si:
- 3 shoqëri dhe konkretisht shoqëri ndërtimi e tregtimi gazi në Fier, Durrës, Tiranë, Korçë etj.
- 1 hotel trekatësh në Fier dhe një njësi shërbimi bashkëngjitur;
- 2 vila trekatëshe;
- 5 njësi shërbimi me sipërfaqe 7 982 m2;
- 3 apartamente banimi;
- 4 garazhe me sipërfaqe prej 1 092 m2, në Fier, Tiranë, Durrës;
- 8 793 m2 tokë, në Tiranë, Durrës, Fier;
- 20 000 euro në llogaritë bankare;
- Një automjet me vlerë 40 000 euro;
Kush është biznesmeni Shanaj?
Më datë 20 qershor 2017, Shanaj u arrestua në flagrancë së bashku me shtetasin grek Thanasios Karatzounis., pasi u kapën në Greqi me 20 kg kokainë, me vlerë të përafërt tregu rreth 800 000 euro.
Ata merreshin me importimin, magazinimin, përzierjen, falsifikimin, ricertifikimin, trafikimin, transportimin dhe shpërndarjen e kokainës nga vende të Amerikës Latine, kryesisht nga Kolumbia. Pas arrestimit në Greqi dhe shkëmbimit të informacionit me palën greke, Policia e Shtetit me iniciativë nisi hetimet proaktive ndaj shtetasit A. Sh., për veprën penale “Pastrimi i produkteve të veprës penale”.
Po ashtu, në vitin 2014, në kuadër të procedimit penal të regjistruar më parë, Shanaj u arrestua në flagrancë nga Policia, për veprën penale armëmbajtja pa leje, pasi gjatë kontrollit të automjetit të tij Policia gjeti dhe sekuestroi dy armë zjarri dhe një sasi fishkesh, që i mbante pa leje.
Dy vjet më vonë, u shpall në kërkim pasi dyshohej se në bashkëpunim me shtetasin S.K., në vendin e quajtur “Ishull Lezhë”, kishte kanosur dhe goditur shtetasin A. Gj. duke konsumuar veprat penale “Dëmtime të tjera me dashje” dhe “Kanosja”.
Discussion about this post