Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

"Ka shpresë edhe për ju", aplikacioni më i ri për meshkuj mbi të 50-tat

Politiko 15 Korrik 2019, 17:21

Le të përballemi me të, 'loja' e takimeve ka ndryshuar falë internetit. Ndërkohë që kohë më parë njerëzit takoheshin komplet në kushte të tjera dhe "hiqnin të zinjtë e ullirit" për të gjetur mënyrat se si të dilnin pa e kuptuar prindërit. Ndërsa sot gjithçka ndodh në Internet.

Sigurisht, kjo nuk do të thotë që ju nuk mund të takoheni dhe diku tjetër përveç internetit. Por, ka disa aplikacione që sigurojnë qasje të lehtë tek beqarët që janë në dispozicion, në zonën tuaj.

Atëherë, pse mos ta shfrytëzosh këtë mundësi?

Por për njerëzit e një moshe të caktuar, bota e takimit mund të jetë një vend i frikshëm. Në momentin që bëni 50-vjeç, ose më i vjetër, takimet bëhen më të vështira sepse ata që janë më të rinj se ju, nuk janë të gatshëm të ju japin një shans.

Dhe është akoma më e vështirë të gjesh dikë jashtë botës së Internetit pasi keni arritur këtë moshë.

Por, mos u trishtoni. Është një aplikacion që do t`ju vijë në ndihmë ju që keni kaluar të 50-tat dhe mund të gjeni ende dashurinë.

Në këtë epokë teknologjie dhe interneti ka me qindra aplikacione takimesh për të gjitha kategoritë e komunitetet. E ndërsa tani do të ketë dhe një aplikacion për takimet e burrave dhe grave mbi 50-vjeç. "Lumen" është projektuar posaçërisht për këtë kategori përdoruesish.  Në momentin që regjistroheni duhet të bëni një selfie për të verifikuar kush jeni. Kjo është një masë sigurie që aplikacionet e tjera të takimeve nuk e kanë. Kjo shpjegohet nga bashkëthemeluesi Chary Lester si një masë sigurie pasi ky app  është për një kategori të caktuar dhe përdoruesit e kësaj moshe nuk kanë kohë për "lojra" që të merren me profile false.

Një rregull tjetër i vështirë është që përdoruesit lejohen vetëm të krijojnë gjashtë biseda të reja në ditë. Në këtë mënyrë, përdoruesit nxiten për të shpenzuar në të vërtetë kohën për të folur dhe për t'u lidhur me të tjerët në këtë app.

Të fundit