Kosova ka besuar deri në fund dhe në përfundim të takimit kundër Çekisë ka festuar. Një fitore mjaft e rëndësishme me përmbysje kjo e dardanëve në kualifikueset e Euro 2020 në Grupin A.
Nisja nuk ka qenë e mirë për vendasit, të cilët pësuan gol në minutën e 16 nga Patrik Schick. E megjithatë, me mbështetjen e tifozëve në stadiumin “Fadil Vokri”, dardanët reaguan dhe e gjetën golin pas 4 minutash. Vedat Muriqi ndoqi me shpejtësi një aksion dhe realizoi pas asistit të Rashanit.
Barazimi u solli me tepër besim vendasve, me pjesën e parë që u mbyll 1-1. Në të dytën, Mërgim Vojvoda, kaloi Kosovën në avantazh në minutën e 67-të pas asistim të Valon Berishës.
Tri pikët e marra e çojnë Kosovën ën vend të parë në renditje, me 8 pikë të grumbulluara. Anglia e Çekia kanë nga gjashtë pikë, me “Tri luanët”, që luajnë sot në 18:00 kundër Bullgarisë. Ndeshjen e radhës Kosova e luan në transfertë ndaj Anglisë.
Discussion about this post