Kreu i Konfindustria, Gjergj Buxhuku ka rrëfyer një prej debateve të zhvilluara në 2002-in, nga kryeministri i kohës, Pandeli Majko me drejtoreshën greke të Bankës Botërore, për ndërtimin e ‘Rrugës së Kombit’.
Buxhuku tha se Banka Botërore e kundërshtonte këtë projekt për faktin se nuk kishte ndikim ekonomik të mjaftueshëm, por asaj i është thënë se kjo rrugë për Shqipërinë dhe Kosovën ishte më tepër se sa ekonomi.
“Në 2002, për herë të parë, kryeministri i asaj periudhe u ballafaqua me drejtoreshën greke të Bankës Botërore. Kam qenë në tavolinë dhe kam parë përfaqësuesen e Bankës Botërore që hodhi letrat sepse iu tha se kjo rrugë ka rëndësi për shqiptarët shumë më tepër se sa ekonomi. Lidh dy pjesët e kombit”, u shpreh Buxhuku në emisionin ‘Opinion’.
Financuar Nga Bashkimi Europian
